இந்திய ஆன்லைன் வர்த்தக தளங்களான ப்ளிப்கார்ட், அமேசான் மற்றும் பல்வேறு இதர வலைத்தளங்களில் தீபாவளி சிறப்பு விற்பனை சமீபத்தில் துவங்கியது.
தீபாவளி சிறப்பு விற்பனையில் சியோமி, ரியல்மி, சாம்சங், ஒப்போ, விவோ மற்றும் பல்வேறு இதர நிறுவனங்களின் சாதனங்களுக்கு சிறப்பு சலுகை, தள்ளுபடி உள்ளிட்டவை வழங்கப்படுகின்றன. அந்த வகையில் சிறப்பு விற்பனை துவங்கிய சில நாட்களில் சியோமி நிறுவனம் 2.5 லட்சம் Mi டி.வி.க்களை விற்பனை செய்திருப்பதாக தெரிவித்துள்ளது.
இத்தனை டி.வி.க்கள் Mi அதிகாரப்பூர்வ வலைத்தளம், ப்ளிப்கார்ட் தளத்தின் பிக் பில்லியன் டேஸ் மற்றும் அமேசான் தளத்தின் கிரேட் இந்தியன் ஷாப்பிங் ஃபெஸ்டிவலில் விற்பனையாகி இருக்கின்றன. பண்டிகை கால சிறப்பு விற்பனை துவங்கிய ஒவ்வொரு நிமிடத்திற்கும் 43 Mi டி.வி.க்கள் விற்பனையாகி இருக்கிறது.
அமேசான் தளத்தில் விற்பனையான டி.வி.க்களில் முதல் ஐந்து டி.வி.க்களில் இரு மாடல்கள் Mi டி.வி.க்கள் ஆகும். அந்த வகையில் Mi டி.வி. 4சி ப்ரோ (32) மற்றும் Mi டி.வி. 4ஏ ப்ரோ 43 மாடல்கள் முறையே #1 மற்றும் #2 இடங்களை பிடித்திருக்கின்றன. அமேசான் மற்றும் ப்ளிப்கார்ட் தளங்களில் அதிகம் விற்பனையான டி.வி.க்களில் Mi டி.வி. முதலிடம் பிடித்திருக்கிறது.
