எல்.ஜி. நிறுவனம் இந்தியாவில் ஏ.ஐ. தின்க் டி.வி. மாடல்களை அறிமுகம் செய்துள்ளது. புதிய டி.வி.க்களில் ஏ.ஐ. அசிஸ்டண்ட் வசதியும் சில மாடல்களில் இரண்டாம் தலைமுறை ஆல்ஃபா ஜென் 2 இன்டலிஜண்ட் பிராசஸர் மற்றும் ஏ.ஐ. சார்ந்த பிக்சர், சவுண்ட், பிரைட்னஸ் அம்சங்கள் வழங்கப்பட்டுள்ளன.
இவை 32 இன்ச் முதல் 77 இன்ச் வரையிலான அளவுகளில் கிடைக்கின்றன. இதில் டால்பி விஷன், ஹெச்.டி.ஆர். 10 ப்ரோ, ஹெச்.எல்.ஜி. ப்ரோ ஹெச்.டி.ஆர். மற்றும் டால்பி அட்மோஸ் போன்ற வசதிகள் வழங்கப்பட்டுள்ளன. முன்னதாக மார்ச் மாதம் நடைபெற்ற சர்வதேச நுகர்வோர் மின்சாதன விழாவில் இந்த டி.வி.-க்கள் அறிமுகம் செய்யப்பட்டன.
புதிய எல்.ஜி. டி.வி.க்களில் அமேசான் பிரைம் வீடியோ, நெட்ஃப்ளிக்ஸ், ஹாட்ஸ்டார், யூடியூப், இரோஸ் நௌ, ஜீ5, ஆல்ட்பாலாஜி, ஹங்காமா பிளே, சன் நெக்ஸ்ட் மற்றும் யுப் டி.வி. போன்ற செயலிகள் பிரீ-இன்ஸ்டால் செய்யப்பட்டு வழங்கப்படுகின்றன. இதன் 2-வே ப்ளூடூத் அம்சம் டி.வி. ஆடியோவை வயர்லெஸ் முரையில் ஆடியோ சாதனத்தில் கேட்க வழி செய்கிறது.
புதிய எல்.ஜி. டி.வி. மாடல்கலின் விலை ரூ. 24,990 முதல் துவங்கி டாப் எண்ட் மாடல் விலை ரூ. 10,99,990 என நிர்ணயம் செய்யப்பட்டுள்ளது. எல்.ஜி. OLED டி.வி. மாடல் விலை ரூ. 2,09,990 என்றும் UHD டி.வி. விலை ரூ. 50,990 என்றும் நானோசெல் டி.வி. விலை ரூ. 82,990 என நிர்ணயம் செயய்ப்பட்டுள்ளது.
