வோடபோன் நிறுவன புதிய வாடிக்கையாளர்களுக்கு புதிய சலுகை அறிவிக்கப்பட்டுள்ளது. முதல் ரீசார்ஜ் சலுகையின் கட்டணம் ரூ.351 என நிர்ணயம் செய்யப்பட்டுள்ளதாக தகவல் வெளியாகியுள்ளது. இதற்கான வேலிடிட்டி 56 நாட்கள் ஆகும். இச்சலுகையில் பயனர்களுக்கு வாய்ஸ் கால் மற்றும் எஸ்.எம்.எஸ். வழங்கப்படுகிறது.
வோடபோன் பிரீபெயிட் சேவையில் இணையும் புதிய பயனர்களுக்கு அறிவிக்கப்பட்டிருக்கும் முதல் முறை ரீசார்ஜ் சலுகையில் பயனர்களுக்கு எவ்வித டேட்டா பலன்களும் வழங்கப்படவில்லை. இச்சலுகையில் ரிலையன்ஸ் ஜியோ போன்று எவ்வித கட்டுப்பாடும் இன்றி அன்லிமிட்டெட் வாய்ஸ் கால் வழங்கப்படுகிறது.
வோடபோன் ரூ.351 பலன்கள்:
வோடபோனின் புதிய ரூ.351 சலுகையில் பயனர்களுக்கு அன்லிமிட்டெட் வாய்ஸ் கால் எவ்வித கட்டுப்பாடும் இன்றி வழங்கப்படுகிறது. இத்துடன் தினமும் 100 எஸ்.எம்.எஸ்., 56 நாட்கள் வேலிடிட்டியுடன் வழங்கப்படுகிறது. இச்சலுகையில் எவ்வித டேட்டா பலன்களும் வழங்கப்படவில்லை என்பதால், டேட்டா பயன்படுத்த விரும்பும் பயனர்கள் தனியே டேட்டா சலுகையை தேர்வு செய்ய வேண்டும்.
புதிய சலுகை பற்றிய விவரங்கள் இணையத்தில் வெளியாகி இருக்கும் நிலையில், இச்சலுகை ஒவ்வொரு வட்டாரத்திற்கும் ஏற்ப மாறுபடும் என கூறப்படுகிறது. இத்துடன் புதிய சலுகையில் வோடபோன் பிளே சந்தாவும் இலவசமாக வழங்கப்படுகிறது. இச்சலுகை பயனர்களுக்கு டிசம்பர் 2018 முதல் வழங்கப்பட்டிருப்பதாக கூறப்படுகிறது.
புதிய சலுகையில் டேட்டா பலன்கள் சேர்க்கப்படாத நிலையில், மற்ற முதல் முறை ரீசார்ஜ்களில் டேட்டா பலன்கள் வழங்கப்படுகிறது. ரூ.176 சலுகையில் பயனர்களுக்கு 1 ஜி.பி. டேட்டா, தினமும் 100 எஸ்.எம்.எஸ்., அன்லிமிட்டெட் வாய்ஸ் கால் உள்ளிட்டவை 28 நாட்கள் வேலிடிட்டியுடன் வழங்கப்படுகிறது.
இதேபோன்று ரூ.229 சலுகையில் தினமும் 1 ஜி.பி. டேட்டா, தினமும் 100 எஸ்.எம்.எஸ்., அன்லிமிட்டெட் வாய்ஸ் கால் உள்ளிட்டவை 28 நாட்களுக்கு வழங்கப்படுகிறது. இவற்றுடன் ரூ.496 மற்றும் ரூ.555 விலையிலும் சலுகைகள் வழங்கப்படுகின்றன. இவற்றில் தினமும் 1.4 ஜி.பி. டேட்டாவும், 100 எஸ்.எம்.எஸ்., அன்லிமிட்டெட் வாய்ஸ் கால் உள்ளிட்டவை வழங்கப்படுகின்றன. இவற்றின் வேலிடிட்டி முறையே 84 மற்றும் 90 நாட்கள் ஆகும்.
வோடபோன் சமீபத்தில் ரூ.1,999 விலையில் புதிய சலுகையை அறிவித்தது. புதிய சலுகை 365 நாட்கள் வேலிடிட்டி கொண்டிருக்கிறது. இத்துடன் தினமும் 1.5 ஜி.பி. 2ஜி/3ஜி/4ஜி டேட்டா, அன்லிமிட்டெட் வாய்ஸ் கால், தினமும் 100 எஸ்.எம்.எஸ். உள்ளிட்டவை வழங்கப்படுகிறது.
