search icon
என் மலர்tooltip icon

    அறிந்து கொள்ளுங்கள்

    போக்கோவின் பட்ஜெட் விலை ஸ்மார்ட்போன்... இந்தியாவில் 1 மில்லியன் யூனிட்கள் விற்பனை செய்து சாதனை
    X

    போக்கோவின் பட்ஜெட் விலை ஸ்மார்ட்போன்... இந்தியாவில் 1 மில்லியன் யூனிட்கள் விற்பனை செய்து சாதனை

    • போக்கோவின் பட்ஜெட் விலை ஸ்மார்ட்போன் ஷேடோ கிரே மற்றும் ராயல் புளூ ஆகிய நிறங்களில் விற்பனைக்கு வந்தது.
    • இந்த ஸ்மார்ட்போனின் 3 ஜிபி + 32 ஜிபி விலை ரூ. 8,499 என்றும் 4 ஜிபி + 64 ஜிபி விலை ரூ. 9,499 என்றும் நிர்ணயம் செய்யப்பட்டு இருந்தது.

    போக்கோ நிறுவனம் இந்தியாவில் போக்கோ சி31 ஸ்மார்ட்போனினை கடந்த ஆண்டு செப்டம்பர் மாதம் அறிமுகப்படுத்தியது. பட்ஜெட் விலையில் அறிமுகம் செய்யப்பட்ட இந்த ஸ்மார்ட்போனில் 6.53 இன்ச் ஹெச்.டி. பிளஸ் எல்.சி.டி. ஸ்கிரீன், மீடியாடெக் ஹீலியோ ஜி35 பிராசஸர், 13 எம்பி பிரைமரி கேமரா, 2 எம்பி மேக்ரோ கேமரா, 2 எம்பி டெப்த் கேமரா, 5 எம்பி செல்பி கேமரா என எண்ணற்ற அம்சங்கள் வழங்கப்பட்டு இருந்தது.

    பின்புறம் கைரேகை சென்சார், 5000 எம்.ஏ.ஹெச். பேட்டரி இத்துடன் 10 வாட் சார்ஜிங் ஆகியவையும் இதில் வழங்கப்பட்டு இருந்தன. இந்த ஸ்மார்ட்போன் 3 ஜிபி + 32 ஜிபி மற்றும் 4 ஜிபி + 64 ஜிபி என இரண்டு வேரியண்ட்களில் விற்பனைக்கு வந்தது.


    ஷேடோ கிரே மற்றும் ராயல் புளூ ஆகிய நிறங்களில் வந்த போக்கோ சி31 ஸ்மார்ட்போனின் 3 ஜிபி + 32 ஜிபி விலை ரூ. 8,499 என்றும் 4 ஜிபி + 64 ஜிபி விலை ரூ. 9,499 என்றும் நிர்ணயம் செய்யப்பட்டு இருந்தது. அதேபோல் கடந்த ஆண்டு அக்டோபர் மாதம் நடந்த பிக் பில்லியன் டேஸ் விற்பனையில் இந்த ஸ்மார்ட்போன்கள் முறையே ரூ. 7999 மற்றும் ரூ. 8999 விலையில் விற்பனை செய்யப்பட்டது.

    இதன்காரணமாக இந்த ஸ்மார்ட்போன் விற்பனை மளமளவென உயர்ந்தது. தற்போது இந்தியாவில் போக்கோ சி31 ஸ்மார்ட்போன் 10 லட்சம் யூனிட்டுகளுக்கு மேல் விற்பனையாகி சாதனை படைத்துள்ளது.

    Next Story
    ×