என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
அறிந்து கொள்ளுங்கள்
இணையத்தில் லீக் ஆன நத்திங் போன் (2) வெளியீட்டு விவரம்
- நத்திங் நிறுவனத்தின் புதிய ஸ்மார்ட்போன் மாடல் பற்றிய தகவல்கள் வெளியாகி வருகின்றன.
- புதிய நத்திங் போன் (2) 12 ஜிபி ரேம், விர்ச்சுவல் ரேம் தொழில்நுட்பம் கொண்டிருக்கும் என கூறப்படுகிறது.
நத்திங் தலைமை செயல் அதிகாரி கார்ல் பெய் போன் (2) மாடல் அறிமுகமாவதை சமீபத்தில் உறுதிப்படுத்தி இருந்தார். இது நத்திங் போன் (1) மாடலின் மேம்பட்ட வெர்ஷன் ஆகும். புதிய நத்திங் ஸ்மார்ட்போன் சிறப்பான மென்பொருள் அனுபவத்தை வழங்கும் என்றும் அவர் மேலும் தெரிவித்தார்.
இந்த நிலையில், புதிய நத்திங் போன் (2) பற்றிய விவரங்களை மைஸ்மார்ட்பிரைஸ் வெளியிட்டு உள்ளது. அதில் புதிய நத்திங் போன் (2) மாடல் நம்பர், வெளியீட்டு விவரம் மற்றும் முக்கிய சிறப்பம்சங்கள் இடம்பெற்று இருக்கிறது. அதன்படி புதிய நத்திங் போன் (2) A065 எனும் மாடல் நம்பர் கொண்டிருக்கும் என கூறப்படுகிறது.
புதிய நத்திங் போன் (2) மாடல் இந்த ஆண்டின் மூன்றாவது காலாண்டு வாக்கில் அறிமுகம் செய்யப்படலாம். அதாவது ஜூலை முதல் செப்டம்பர் மாத வாக்கில் புது நத்திங் ஸ்மார்ட்போன் அறிமுகமாகும் என தெரிகிறது. முன்னதாக நத்திங் போன் (1) மாடல் கடந்த ஆண்டு ஜூலை மாத வாக்கில் அறிமுகம் செய்யப்பட்டது.
இந்த ஆண்டு அறிமுகமாகும் நத்திங் ஸ்மார்ட்போன் ஃபிளாக்ஷிப் தர அனுபவம் வழங்கும் என தெரிகிறது. நத்திங் போன் (2) மாடலில் குவால்காம் ஸ்னாப்டிராகன் 8 சீரிஸ் பிராசஸர், அதிகபட்சம் 12 ஜிபி ரேம், விர்ச்சுவல் ரேம் தொழில்நுட்பம், 256 ஜிபி மெமரி வழங்கப்படுகிறது. புதிய நத்திங் போன்(2) மாடல் 5000 எம்ஏஹெச் பேட்டரி மூலம் சக்தியூட்டப்படுகிறது.
நத்திங் போன் (2) மாடலில் AMOLED டிஸ்ப்ளே, 120Hz ரிப்ரெஷ் ரேட், அடாப்டிவ் டிஸ்ப்ளே அம்சம் வழங்கப்பட இருக்கிறது. இது ஸ்கிரீன் ரிப்ரெஷ் ரேட்-ஐ ஆன் ஸ்கிரீன் தரவுகளுக்கு ஏற்ப தானாக மாற்றிக் கொள்ளும் வசதியை வழங்குகிறது. வரும் மாதங்களில் புதிய நத்திங் போன் (2) பற்றிய தகவல்கள் வெளியாகும் என எதிர்பார்க்கலாம்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்