விவோ நிறுவனம் இந்திய சந்தையில் முற்றிலும் புதிய விவோ V29e சீரிஸ் ஸ்மார்ட்போன்களை அறிமுகம் செய்ய இருக்கிறது. இந்த ஸ்மார்ட்போன் மிக குறைந்த விலையில் அறிமுகம் செய்யப்பட இருக்கிறது. விவோ நிறுவனத்தின் புதிய ஸ்மார்ட்போன் சர்வதேச சந்தையில் அறிமுகம் செய்யப்படும் என்று தெரிகிறது.
இந்த ஸ்மார்ட்போனிற்கென அந்நிறுவனம் பிரத்யேக மைக்ரோசைட் ஒன்றை உருவாக்கி இருக்கிறது. அதில் ஸ்மார்ட்போனின் டிசைன் எப்படி இருக்கும் என்பதை ஓரளவுக்கு வெளிப்படுத்தும் படங்கள் இடம்பெற்றுள்ளன. விவோ V29e ஸ்மார்ட்போனின் டீசர்களில் "தி மாஸ்டர்பீஸ்" (The Masterpiece) என்ற வாசகம் இடம்பெற்று இருக்கிறது.
புதிய ஸ்மார்ட்போன் மெல்லிய, குறைந்த எடை கொண்டிருக்கும் என்று தெரிகிறது. மேலும் இந்த ஸ்மார்ட்போன் பல்வேறு கவர்ச்சிகரமான நிறங்களில் கிடைக்கிறது. இதில் 50MP செல்ஃபி கேமரா, 64MP பிரைமரி கேமரா, OIS வசதிகள் வழங்கப்படுகின்றன. முதல் முறையாக விவோ ஸ்மார்ட்போனில் "வெட்டிங் போர்டிரெயிட்" அம்சம் வழங்கப்படுகிறது.
இந்திய சந்தையில் புதிய விவோ V29e ஸ்மார்ட்போன் 8 ஜிபி ரேம், 128 ஜிபி மற்றும் 256 ஜிபி மெமரி என இரண்டு வித மெமரி ஆப்ஷன்களில் கிடைக்கும் என்று தெரிகிறது. இதுவரை வெளியாகி இருக்கும் தகவல்களின் படி இந்த ஸ்மார்ட்போனின் விலை ரூ. 30 ஆயிரம் பட்ஜெட்டில் நிர்ணயம் செய்யப்படும் என்று தெரிகிறது.
புதிய விவோ ஸ்மார்ட்போனில் குவால்காம் ஸ்னாப்டிராகன் 480 அல்லது ஸ்னாப்டிராகன் 480 பிளஸ் பிராசஸர் கொண்டிருக்கும் என்று தெரிகிறது. விவோ V29e மாடலை தொடர்ந்து விவோ நிறுவனம் விவோ V29 மற்றும் விவோ V29 ப்ரோ என இரண்டு மாடல்களை அறிமுகம் செய்யும் என்று கூறப்படுகிறது.
