ஒப்போ நிறுவனம் அதன் புதிய A சீரிஸ் ஸ்மார்ட்போனை இன்று சீனாவில் அறிமுகம் செய்துள்ளது. அதன்படி அந்நிறுவனம் A97 என்கிற 5ஜி மாடல் ஸ்மார்ட்போனை தான் இன்று அறிமுகப்படுத்தி உள்ளது. இந்த ஸ்மார்ட்போன் டூயல் கேமரா செட் அப் உடன் வருகிறது. அதன்படி 48 மெகாபிக்சல் பிரமைரி கேமராவும், 2 மெகாபிக்சல் செகண்டரி கேமராவும் இதில் இடம்பெற்றிருக்கிறது. இதுதவிர 8 மெகாபிக்சல் செல்ஃபி கேமராவும் இதில் வருகிறது.
இந்த ஸ்மார்ட்போன் பிளாட் ஃபிரேமை கொண்டுள்ளது. மேலும் இதில் டைப் சி போர்ட், 3.5எம்.எம் ஹெட்ஃபோன் ஜேக், 6.56 இன்ச் ஃபுல் ஹெச்டி ப்ளஸ் டிஸ்ப்ளே, 5,000 எம்.ஏ.ஹெச் பேட்டரி ஆகியவற்றைக் கொண்டுள்ளது. இந்த ஸ்மார்ட்போன் 12ஜிபி ரேம் + 256ஜிபி மெமரி வேரியண்டில் வருகிறது. கொயட் நைட் பிளாக், டீப் சீ ப்ளூ ஆகிய நிறங்களில் அறிமுகம் செய்யப்பட்டு உள்ளது.
ஆக்டாகோர் மீடியாடெக் டைமென்சிட்டி 810 புராசஸரை கொண்டுள்ள இந்த ஸ்மார்ட்போனின் 12ஜிபி ரேம் + 256ஜிபி மெமரி வேரியண்டின் விலை இந்திய மதிப்பில் ரூ.23 ஆயிரத்து 600 என நிர்ணயம் செய்யப்பட்டு உள்ளது. வருகிற ஜூலை 15-ந் தேதி முதல் இந்த ஸ்மார்ட்போன் சீன சந்தையில் விற்பனைக்கு வரும் என தெரிவிக்கப்பட்டு உள்ளது.
