வயர்லெஸ் கார் சார்ஜர் அறிமுகம்

மின்னணு சாதனங்கள் தயாரிப்பில் முன்னணியில் திகழும் பெபிள் நிறுவனம் கிரிப் வயர்லெஸ் சார்ஜரை அறிமுகம் செய்து உள்ளது. இதன் விலை சுமார் ரூ.2,499 ஆகும். இந்த சார்ஜர் இரட்டை சாதக அம்சங்களைக் கொண்டது. முதலாவது இதை மொபைல் சார்ஜராகப் பயன்படுத்தலாம். அடுத்து இது மொபைல் ஹோல்டராகவும் பயன்படுத்த முடியும். 5 வாட் முதல் 10 வாட் வரையிலான மின்சாரத்தை கடத்தும் திறன் கொண்டதாக இது வந்துள்ளது.

இதில் முன்னேறிய தொழில் நுட்பம் பின்பற்றப்பட்டுள்ளது. இது 10 வகையான சர்கியூட் பாதுகாப்பு அம்சங்களை உள்ளடக்கியது. இதனால் ஸ்மார்ட்போனுக்கு திடீரென அதிக மின்சாரம் பாய்வது தடுத்து நிறுத்தப்படும்.

அதேபோல அதிகம் சூடேறுவதையும் இது நிறுத்திவிடும். அனைத்துக்கும் மேலாக கார் ஓடிக் கொண்டிருந்தாலும் கீழே விழாத வகையில் இது கிரிப்பாக பிடித்திருக்கும். அனைத்து பிராண்ட் ஸ்மார்ட்போனுக்கும் பொருந்தும் வகையில் இது வடிவமைக்கப்பட்டுள்ளது.