search icon
என் மலர்tooltip icon

    நீங்கள் தேடியது "மீல்மேக்கர் சமையல்"

    • சோயாவில் பல்வேறு வகையான ரெசிபிகளை செய்யலாம்.
    • இன்று சோயா லாலிபாப் செய்முறையை பார்க்கலாம்.

    தேவையான பொருட்கள் :

    மீல்மேக்கர் - கால் கப்

    உருளைக்கிழங்கு - 1

    ப.பட்டாணி - ஒரு கைப்பிடி

    பெ.வெங்காயம் - 1

    கேரட் - 1

    குடை மிளகாய் - 1

    உப்பு - தேவைக்கு

    மிளகுத்தூள் - கால் டீஸ்பூன்

    எண்ணெய் - தேவையான அளவு

    ஐஸ் குச்சிகள் - 5

    செய்முறை :

    வெங்காயம், குடைமிளகாயை பொடியாக நறுக்கி கொள்ளவும்.

    கேரட் துருவிக்கொள்ளவும்.

    உருளைக்கிழங்கை வேக வைத்து மசித்துக் கொள்ளவும்.

    அகன்ற பாத்திரத்தில் நீரை கொதிக்கவைத்து அதில் சோயாவை போட்டு கால் மணி நேரம் ஊற வைக்க வேண்டும். ஊறியதும் தண்ணீரை அப்புறப்படுத்திவிட்டு மிக்சியில் லேசாக அரைத்துக்கொள்ள வேண்டும்.

    வாணலியில் எண்ணெய் ஊற்றி அது சூடானதும் வெங்காயத்தை கொட்டி பொன்னிறமாக வதக்கவும்.

    வெங்காயம் வதங்கியதும் குடை மிளகாய், கேரட், பட்டாணியை கொட்டி வதக்கவும்.

    அவை நன்கு வதங்கியதும் சோயாவை போட்டு கிளறி இறக்கவும்.

    நன்கு ஆறியதும் சோயா கலவையுடன் மசித்த உருளைக்கிழங்கு, மிளகு தூள் கலந்து உருண்டைகளாக தயார் செய்து கொள்ளவும்.

    வாணலியில் எண்ணெய் ஊற்றி அது சூடானதும் உருண்டைகளை போட்டு பொரித் தெடுக்கவும்.

    பின்னர் உருண்டைகளின் நடுவில் ஐஸ் குச்சிகளை சொருகினால் சோயா லாலிபாப் ரெடி.

    • முட்டையில் பொடிமாஸ் செய்து இருப்பீங்க.. இன்று மீல் மேக்கரில் பொடிமாஸ் செய்யலாம்.
    • இது தோசை, சப்பாத்திக்கு தொட்டுக்கொள்ள அருமையாக இருக்கும்.

    தேவையான பொருட்கள்:

    மீல் மேக்கர் - 20

    பச்சை மிளகாய் - 2

    காய்ந்த மிளகாய் - 2

    பூண்டு - 3

    வெங்காயம் - ஒன்று

    குழம்பு மசாலா பொடி - ஒரு டேபிள் ஸ்பூன்

    கரம்மசாலா தூள் - அரை தேக்கரண்டி

    மஞ்சள் தூள் - ஒரு சிட்டிகை

    எண்ணெய் - 2 டேபிள் ஸ்பூன்

    சீரகம் - ஒன்றரை டீஸ்பூன்

    உப்பு - சுவைக்கு

    செய்முறை:

    வெங்காயம், ப.மிளகாய், கொத்தமல்லியை பொடியாக நறுக்கி கொள்ளவும்.

    ஒரு வாணலியில் காய்ந்த மிளகாய், பூண்டு, சீரகம் சேர்த்து வறுத்து பின்னர் மிக்ஸிஜாரில் அரைத்து வைத்துக் கொள்ளவும்.

    ஊறவைத்த மீல் மேக்கரை நன்றாகப் பிழிந்து கொரகொரப்பாக மிக்ஸியில் அரைத்துக் கொள்ளவும்..

    ஒரு வாணலியில், எண்ணெய் ஊற்றி சூடானதும் சீரகம், நறுக்கிய வெங்காயம், பச்சை மிளகாய் சேர்த்து நன்றாக வதக்கவும்.

    வெங்காயம் பொன்னிறமாக ஆனதும், குழம்பு மசாலா, கரம் மசாலா, மஞ்சள் தூள் சேர்த்து பச்சை வாசனை போகும் வரை வதக்கவும்..

    பிறகு, அரைத்து வைத்த மீல் மேக்கர், உப்பு சேர்த்து கிளறிவிடவும்.

    இறுதியாக கொத்தமல்லித்தழை தூவி கிளறி 2 நிமிடங்கள் வேக வைத்து இறக்கவும்.

    அவ்ளோதாங்க.. சுவையான மீல் மேக்கர் பொடிமாஸ் ரெடி..!.

    ×