'சரிகம இந்தியா லிமிடெட்' சார்பில் யொட்லி பிலிம்ஸ் தயாரித்துள்ள படம் 'அபியும் அனுவும்'. பி.ஆர்.விஜயலட்சுமி இயக்கியிருக்கும் இந்த படத்தில் மலையாள நடிகர் டோவினோ தாமஸ் நாயகனாகவும், பியா பாஜ்பாய் நாயகியாகவும், நடித்துள்ளனர். சுஹாசினி, பிரபு, ரோகினி, மனோபாலா, தீபா ராமானுஜம் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
படம் குறித்து நாயகன் டோவினோ தாமஸ் கூறும்போது,
தமிழ் ரசிகர்கள் அபியும் அனுவும் படம் என்னுடைய முதல் படம் என தெரிந்ததும், என்னை சிறப்பாக உணர வைத்துள்ளார்கள். அவர்களின் அன்பும், நல்ல மனதும், பெருந்தன்மையும் என்னை மேலும் பொறுப்புடையவனாக உணர வைப்பதோடு, அவர்கள் விரும்பும் விஷயங்களை கொடுக்க வேண்டும் என்று என்னை உந்துகிறது.
இந்த படத்தில் ஆசியாவின் முதல் பெண் ஒளிப்பதிவாளர் விஜயலட்சுமியோடு வேலை செய்தது ஒரு உண்மையான பேரின்பம். அவர் கதை நடக்கும் பின்புலத்தை அமைத்த விதமும், ஒளிப்பதிவாளர் அகிலன் அவருடைய ஐடியாவை திரையில் மாற்றிய விதமும் எல்லோராலும் பாராட்டக்கூடியது.
நடிகை பியா பாஜ்பாய் படப்பிடிப்பு தளத்தில் சாதாரணமாகவும், வேடிக்கையாகவும் இருப்பார், ஆனால் கேமராவுக்கு முன்னால் அவருடைய மாற்றம் நம்ப முடியாதது என்றார். #AbhiyumAnuvum #TovinoThomas
