search icon
என் மலர்tooltip icon

    நீங்கள் தேடியது "இந்திய பெண்கள் ஹாக்கி அணி"

    • ஆட்டம் முடிய மூன்று நிமிடங்கள் மட்டும் இருக்கும் போது ஸ்பெயின் கோல் அடித்து முன்னிலை பெற்றது.
    • போட்டி முடிவில் ஸ்பெயின் 1-0 என்ற கோல் கணக்கில் வெற்றி பெற்று கால் இறுதிக்கு முன்னேறியது.

    ஆம்ஸ்டெல்வீன்:

    15-வது பெண்கள் உலகக்கோப்பை ஹாக்கி போட்டி நெதர்லாந்து மற்றும் ஸ்பெயினில் நடந்து வருகிறது.

    16 அணிகள் பங்கேற்ற இப்போட்டியில் 'பி' பிரிவில் இடம் பெற்ற இந்திய அணி, மூன்று லீக் ஆட்டத்தில் ஒரு தோல்வி, 2 டிரா பெற்றது. இதனால் இரண்டு புள்ளிகளுடன் 'பி' பிரிவில் 3-வது இடத்தை பிடித்தது.

    போட்டி விதியின்படி கால் இறுதிக்கு முன்னேற இந்திய அணிக்கு மற்றொரு வாய்ப்பு கிடைக்கும். அதன்படி 'சி' பிரிவில் 2-வது இடத்தை பிடித்த ஸ்பெயின் அணியுடன் நேற்று இந்தியா மோதியது. இதில் வெற்றி பெறும் அணி கால் இறுதிக்கு தகுதி பெறும் என்பதால் இரு அணிகளும் ஆக்ரோஷமாக மோதின.

    ஆனால் தொடக்கத்தலேயே கோல் அடிக்க முடியவில்லை. கடைசி கட்டத்தில் ஸ்பெயின் கோல் அடித்தது.

    ஆட்டம் முடிய மூன்று நிமிடங்கள் மட்டும் இருக்கும் போது ஸ்பெயின் கோல் அடித்து முன்னிலை பெற்றது.

    போட்டி முடிவில் ஸ்பெயின் 1-0 என்ற கோல் கணக்கில் வெற்றி பெற்று கால் இறுதிக்கு முன்னேறியது. இந்திய அணி போட்டித்தொடரில் இருந்து வெளியேறியது.

    கால் இறுதிக்கு நெதர்லாந்து, பெல்ஜியம், ஆஸ்திரேலியா, ஸ்பெயின், நியூசிலாந்து, ஜெர்மனி, அர்ஜென்டினா, இங்கிலாந்து ஆகிய அணிகள் தகுதி பெற்றுள்ளன.

    • காயத்தில் இருந்து முழுமையாக மீளாத முன்னாள் கேப்டன் ராணி ராம்பால் பெயர் அணி தேர்வில் மீண்டும் பரிசீலிக்கப்படவில்லை.
    • கோல்கீப்பர் பிச்சுதேவி கரிபாம், நடுகள வீராங்கனை சோனிகா ஆகியோர் மட்டும் நீக்கப்பட்டுள்ளனர்.

    புதுடெல்லி:

    22-வது காமன்வெல்த் விளையாட்டு போட்டி இங்கிலாந்தில் உள்ள பர்மிங்காமில் ஜூலை 28-ந் தேதி முதல் ஆகஸ்டு 8-ந் தேதி வரை நடக்கிறது. இதில் பெண்களுக்கான ஹாக்கி போட்டியில் பங்கேற்கும் 10 அணிகள் 2 பிரிவாக பிரிக்கப்பட்டுள்ளன. இந்திய அணி 'ஏ' பிரிவில் இடம் பிடித்துள்ளது.

    இங்கிலாந்து, கனடா, வேல்ஸ், கானா ஆகியவை அந்த பிரிவில் உள்ள மற்ற அணிகளாகும். இந்திய அணி தனது முதலாவது லீக் ஆட்டத்தில் ஜூலை 29-ந் தேதி கானாவை சந்திக்கிறது. காமன்வெல்த் விளையாட்டு போட்டிக்கான 18 பேர் கொண்ட இந்திய பெண்கள் ஹாக்கி அணி நேற்று அறிவிக்கப்பட்டது. உலக கோப்பை போட்டிக்கான அணியில் இடம் பிடித்துள்ள பெரும்பாலானவர்கள் அப்படியே தொடருகிறார்கள்.

    கோல்கீப்பர் பிச்சுதேவி கரிபாம், நடுகள வீராங்கனை சோனிகா ஆகியோர் மட்டும் நீக்கப்பட்டுள்ளனர். கோல்கீப்பர் சவிதா கேப்டனாகவும், பின்கள வீராங்கனை தீப் கிரேஸ் எக்கா துணை கேப்டனாகவும் நியமிக்கப்பட்டுள்ளனர். காயத்தில் இருந்து முழுமையாக மீளாத முன்னாள் கேப்டன் ராணி ராம்பால் பெயர் அணி தேர்வில் மீண்டும் பரிசீலிக்கப்படவில்லை.

    இந்திய அணி வருமாறு:-

    சவிதா (கேப்டன்), ரஜனி எதிமர்பு (கோல்கீப்பர்கள்), தீப் கிரேஸ் எக்கா, குர்ஜித் கவுர், நிக்கி பிரதான், உதிதா (பின்களம்), நிஷா, சுஷிலா சானு, மோனிகா, நேஹா, ஜோதி, நவ்ஜோத் கவுர், சலிமா டெடி (நடுகளம்), வந்தனா கட்டாரியா, லாம்ரெம்சியாமி, நவ்னீத் கவுர், ஷர்மிளா தேவி, சங்கீதா குமாரி (முன்களம்).

    • இந்தியா 4-2 என்ற கோல் கணக்கில் அமெரிக்காவை தோற்கடித்தது.
    • இந்திய தரப்பில் தீப் கிரேஸ், நவ்னீத் கவுர், சோனிகா, வந்தனா ஆகியோர் கோல் அடித்தனர்.

    ரோட்டர்டாம்:

    9 அணிகள் பங்கேற்றுள்ள 3-வது பெண்கள் புரோ ஹாக்கி லீக் போட்டி பல்வேறு நாடுகளில் நடந்து வருகிறது. இதில் ஒவ்வொரு அணியும், மற்ற அணிகளுடன் தலா 2 முறை மோத வேண்டும். இந்த போட்டியில் ஏற்கனவே அர்ஜென்டினா அணி (42 புள்ளிகள்) சாம்பியன் பட்டத்தை கைப்பற்றி விட்டது.

    இந்திய அணி 24 புள்ளிகளுடன் 3-வது இடத்தில் உள்ளது. இந்த போட்டி தொடரில் இந்திய அணி தனது கடைசி 2 லீக் ஆட்டங்களில் அமெரிக்காவை எதிர்கொள்கிறது. இந்தியா-அமெரிக்கா அணிகள் இடையிலான முதலாவது ஆட்டம் நெதர்லாந்தில் உள்ள ரோட்டர்டாமில் நேற்று நடைபெற்றது.

    இந்த ஆட்டத்தில் இந்தியா 4-2 என்ற கோல் கணக்கில் அமெரிக்காவை தோற்கடித்தது. இந்திய தரப்பில் தீப் கிரேஸ், நவ்னீத் கவுர், சோனிகா, வந்தனா ஆகியோர் கோல் அடித்தனர்.

    இந்த வெற்றியின் மூலம் இந்தியா 27 புள்ளிகளுடன் பட்டியலில் 3-வது இடத்தை பிடித்தது. அமெரிக்கா 5 புள்ளியுடன் கடைசி இடத்தில் உள்ளது. இந்திய அணி தனது கடைசி லீக்கில் அமெரிக்காவை இன்று (இரவு 8 மணி) மீண்டும் இதே மைதானத்தில் சந்திக்கிறது.

    ×