கடையநல்லூர்:
தென்காசி வடக்கு மாவட்ட தி.மு.க. செயற்குழுக் கூட்டம் மாவட்ட பொறுப்புக்குழு உறுப்பினர் முத்துப்பாண்டி தலைமையில் நடந்தது.
தலைமை செயற்குழு உறுப்பினர் சீனிவாசன், தீர்மானக் குழு சரவணன், மாவட்ட பொறுப்புக்குழு உறுப்பினர்கள் சேக்தாவூது, மாடசாமி, நல்லசிவன், பேபி, விவேகானந்தன், முத்தையா முன்னிலை வகித்தனர். நகர்மன்றத் தலைவர் மூப்பன் ஹபீபுர் ரஹ்மான் வரவேற்றார். மாவட்ட செயலாளர் செல்லத்துரை பேசுகையில்,
கலைஞர் பிறந்த நாளை முன்னிட்டு தென்காசி வடக்கு மாவட்டத்திற்குட்பட்ட அரசு மருத்துவமனைகளில் அன்று பிறக்கும் குழந்தைகள் அனைவருக்கும் தங்க மோதிரம் எனது சார்பில் வழங்கப்படும், திராவிட பாசறை கூட்டம் ஜூன் மாதம் முழுவதும் ஒன்றிய, நகர, பேரூர் பகுதிகளில் நடத்திட வேண்டும் என்று பேசினார்.
கூட்டத்தில் ஒன்றிய செயலாளர்கள் ராமையா, லாலா சங்கரபாண்டியன், பூசைபாண்டியன், யூனியன் சேர்மன்கள் சுப்பம்மாள், வல்லம் சேக்அப்துல்லா, திருமலைச் செல்வி, யூனியன் துணைத்தலைவர்கள் ஐவேந்திரன் தினேஷ், கனகராஜ் முத்துப்பாண்டியன், ஒன்றிய கவுன்சிலர் சிங்கிலிபட்டி மணிகண்டன் உட்பட பலர் கலந்து கொண்டனர்.
கூட்டத்தில் இளைஞரணி செயலாளர் உதயநிதி ஸ்டாலினுக்கு அமைச்சர் பதவி வழங்க தமிழக முதல்வரை வேண்டுவது, கடையநல்லூர் மற்றும் புளியங்குடி அரசு மருத்துவமனைகளை மாவட்ட அரசு மருத்துவமனைக்கு இணையாக தரம் உயர்த்த வலிறுத்துவது என்பன உள்ளிட்ட தீர்மானங்கள் நிறைவேற்றப்பட்டன.
