நீங்கள் தேடியது "State Handball"

திருவள்ளூர் மாவட்ட ஹேண்ட்பால் சங்கம் மற்றும் செயின்ட் பீட்டர்ஸ் என்ஜினீயரிங் கல்லூரி சார்பில் 17 வயதுக்குட்பட்டவருக்கான மாநில ஹேண்ட்பால் போட்டி சென்னையில் நடந்தது. இதில் அரியலூர் அணி 32-30 என்ற புள்ளிக்கணக்கில் திண்டுக்கல்லை வீழ்த்தி சாம்பியன் பட்டம் பெற்று செயின்ட் பீட்டர்ஸ் கோப் பையை கைப்பற்றியது.

கோவை அணி 3-வது இடத்தையும், காஞ்சீபுரம் 4-வது இடத்தையும் பிடித்தன. தமிழ்நாடு ஹேண்ட்பால் சங்க பொதுச்செயலாளரும், தமிழ்நாடு ஒலிம்பிக் சங்க இணை செயலாளருமான ஏ.சரவணன், செயின்ட் பீட்டர்ஸ் என்ஜினீயரிங் மற்றும் தொழில் நுட்ப கல்லூரி முதல்வர் எஸ்.செல்வன் ஆகியோர் பரிசுகளை வழங்கினார்கள். போட்டி அமைப்பு குழு செயலாளர் எம்.செந்தில் குமார் உள்பட பலர் விழாவில் பங்கேற்றனர்.

சென்னை:

தமிழ்நாடு ஹேண்ட்பால் சங்கம் சார்பில் 17 வயதுக்கு உட்பட்டவர்களுக்கான முதலாவது மாநில ஹேண்ட் பால் போட்டி நடத்தப்படுகிறது. இந்த போட்டி சென்னை ஆவடியில் உள்ள செயின்ட் பீட்டர்ஸ் என்ஜினீயரிங் கல்லூரி மைதானத்தில் இன்றும், நாளையும் நடக்கிறது.

இதில் திண்டுக்கல், மதுரை, திருவள்ளூர், காஞ்சீபுரம், கிருஷ்ணகிரி, சேலம், கோவை, சென்னை உள்பட 32 மாவட்ட அணிகள் கலந்து கொள்கின்றன. ‘நாக்-அவுட்’ முறையில் போட்டி நடைபெறுகிறது. தொடக்க விழாவில் இந்திய ஹேண்ட்பால் சம்மேளன தலைவர் எம்.ராமசுப்பிரமணியன் கலந்து கொண்டு போட்டியை தொடங்கி வைக்கிறார். இந்த தகவலை தமிழ்நாடு ஹேண்ட்பால் சங்க பொதுச்செயலாளர் ஏ.சரவணன் தெரிவித்தார். #tamilnews