தமிழ்நாடு பிரீமியர் லீக் தொடரின் 27- வது லீக் ஆட்டம் திருநெல்வேலியில் நடைபெற்றது. இதில் திருச்சி வாரியர்ஸ் - காஞ்சி வீரன்ஸ் பலப்பரீட்டை நடத்தின. டாஸ் வென்ற காஞ்சி வீரன்ஸ் அணி பேட்டிங் தேர்வு செய்தது. இதையடுத்து முதலில் களம் இறங்கிய காஞ்சி வீரன்ஸ் நிர்ணயிக்கப்பட்ட 20 ஓவரில் 8 விக்கெட்டுக்கு 136 ரன்கள் மட்டுகள் எடுத்தது. பிரான்சிஸ் ரோகின்ஸ் அதிகபட்சமாக அவுட்டாகாமல் 29 பந்தில் 43 ரன்கள் சேர்த்தார். திருச்சி வாரியர்ஸ் அணி சார்பில் கண்ணன் விக்னேஷ், சோனு யாதவ் ஆகியோர் தலா 2 விக்கெட்டுக்கள் வீழ்த்தினர்.
பின்னர் 137 ரன்கள் எடுத்தால் வெற்றி என்ற இலக்குடன் திருச்சி வாரியர்ஸ் அணி களம் இறங்கியது. பரத் ஷங்கர், மணி பாரதி தொடக்க வீரர்களாக களம் இறங்கினார்கள். அணி பாரதி 6 ரன்னில் ஆட்டமிழந்தார். அடுத்து பாபா இந்ரஸித் 26 ரன்னிலும், சுரேஷ் குமார் 7 ரன்னிலும் ஆட்டமிழந்தனர். ஆனால் பரத் ஷங்கர் 43 பந்தில் 69 ரன்கள் குவித்தார்.
சத்தியமூர்த்தி சரவணன் அவுட்டாகாமல் 16 பந்தில் 23 ரன்கள் அடிக்க திருச்சி வாரியர்ஸ் 17.4 ஓவரில் 4 விக்கெட் இழப்பிற்கு 139 ரன்கள் எடுத்து வெற்றி பெற்றது.
இந்த வெற்றியின் மூலம் நான்கு வெற்றிகள் திருச்சி வாரியம் 8 புள்ளிகள் பெற்றுள்ளது. ஆனால் காரைக்குடி காளை, கோவை கிங்ஸ் 8 புள்ளிகளுடன் அதிக ரன்ரேட் வைத்திருப்பதால் பிளேஆஃப் சுற்றை இழந்தது. #TNPL2018 # RTWvVKV
