நீங்கள் தேடியது "Parul Chaudhary"

19-வது உலக தடகள சாம்பியன்ஷிப் போட்டி ஹங்கேரி தலைநகர் புடாபெஸ்டில் நடந்து வருகிறது. இதில் 200 நாடுகளைச் சேர்ந்த 2 ஆயிரத்திற்கும் மேற்பட்ட வீரர், வீராங்கனைகள் பங்கேற்றுள்ளனர்.

இந்நிலையில் ஸ்டீபிள் சேஸ் போட்டி நேற்று நடைபெற்றது. இதில் ஆண்களுக்கான 5000 மீட்டர் ஸ்டீப்பிள் சேசில் இந்தியாவின் அவினாஷ் சேபிள் தோல்வியடைந்தார்.

பெண்களுக்கான 3000 மீ ஸ்டீபிள் சேஸ் போட்டியில் இந்தியாவின் 28 வயதான பருல் சௌத்ரி பங்கேற்றார். அவர் ஹீட் 2-ல் 9:24.29 வினாடிகளில் ஐந்தாவது இடத்தைப் பிடித்து இறுதிப் போட்டிக்கு தகுதி பெற்றார். இதன் மூலம் பாருல் தனது தனிப்பட்ட சிறந்த 9:29.51 சாதனையை முறியடித்துள்ளார்.

ஆகஸ்ட் 27-ம் தேதி பெண்களுக்கான 3000 மீட்டர் ஸ்டீபிள் சேஸ் இறுதிப் போட்டி நடைபெறும்.