இங்கிலாந்து சுழற்பந்து வீச்சாளர் ஜேக் லீச், காயம் காரணமாக ஆஸ்திரேலியாவுக்கு எதிரான 5 போட்டிகள் கொண்ட ஆஷஸ் தொடரில் இருந்து விலகியுள்ளார்.
இந்த வார தொடக்கத்தில் அயர்லாந்திற்கு எதிரான ஒரே ஒரு டெஸ்டில் இங்கிலாந்து 10 விக்கெட் வித்தியாசத்தில் வெற்றி பெற்றது. இதில் சிறப்பாக பந்து வீசிய லீச், நான்கு விக்கெட்டுகளை வீழ்த்தினார். பயிற்சியாளர் பிரண்டன் மெக்கல்லம் மற்றும் கேப்டன் பென் ஸ்டோக்ஸ் ஆகியோரின் கீழ் இங்கிலாந்து அணியில் எப்போதும் லீச் இருந்து வருகிறார். கடந்த ஆண்டு 46 டெஸ்ட் விக்கெட்டுகளை இவர் கைப்பற்றினார்.
வேகப்பந்து வீச்சாளர் ஜோஃப்ரா ஆர்ச்சரும் வெளியேற்றப்பட்ட நிலையில், லீச்சின் காயம் இங்கிலாந்தின் பந்துவீச்சுத் துறைக்கு பின்னடைவாகும்.
ஜூன் 16-ம் தேதி எட்ஜ்பாஸ்டனில் ஆஷஸ் தொடர் தொடங்குகிறது.
சனிக்கிழமையன்று இங்கிலாந்து அறிவித்த முதல் இரண்டு ஆஷஸ் டெஸ்ட் போட்டிகளுக்கான 16 பேர் கொண்ட அணியில் அவர் இடம் பெற்றிருந்தார் என்பது குறிப்பிடத்தக்கது.
