நீங்கள் தேடியது "Irom sharmila"

பெங்களூர்:

மணிப்பூரின் இரும்பு பெண்மணி என்று அழைக்கப்படுபவர் ஐரோம் ‌ஷர்மிளா.

சிறப்பு ஆயுதப்படை சட்டத்தை திரும்பப் பெறக்கோரி அவர் 16 ஆண்டுகாலம் உண்ணாவிரத போராட்டம் நடத்தினார்.

ஐரோம் ‌ஷர்மிளா மணிப்பூர் மாநில சட்டசபை தேர்தலில் போட்டியிட்டு தோல்வியை தழுவி இருந்தார். இதையடுத்து அவர் கொடைக்கானலில் தஞ்சம் அடைந்தார்.

கடந்த 2017-ம் ஆண்டு அவர் தேஸ்மந்த் கொட்டின் கோவை கொடைக்கானலில் வைத்து திருமணம் செய்து கொண்டார்.

கர்ப்பமாக இருந்த ஐரோம் ‌ஷர்மிளாவுக்கு பெங்களூர் மருத்துவமனையில் இரட்டை பெண் குழந்தை பிறந்துள்ளது. அன்னையர் தினமான நேற்று அவருக்கு இந்த இரட்டை குழந்தை பிறந்தது.

அந்த குழந்தைகளுக்கு நிக்ஸ் ஷாக்னி, தேரா என்று பெயரிடப்பட்டுள்ளது. முதல் பெண் குழந்தை 2.16 கிலோ எடையுடன் காலை 9.21 மணிக்கும், 2-வது பெண் குழந்தை 2.14 கிலோ எடையுடன் 9.22 மணிக்கு பிறந்ததாகவும், தாயும், குழந்தைகளும் நலமாக இருப்பதாகவும் டாக்டர் தெரிவித்தார்.

மும்பை:

மணிப்பூரின் இரும்புப்பெண் என்று அழைக்கப்படும் ஐரோம் ஷர்மிளா, அம்மாநிலத்தில் அமலில் இருக்கும் ராணுவப்படை சிறப்பு அதிகார சட்டத்தை திரும்பப்பெற கோரி கடந்த 2000-ம் ஆண்டு முதல் 2016-ம் ஆண்டு வரை உண்ணாவிரதம் இருந்துவந்தார்.

இன்று, புனேவில் செய்தியாளர்களிடம் பேசிய ஐரோம் ஷர்மிளா, காஷ்மீர் பெண்களின் உரிமைகள் மற்றும் அவர்களுக்கு உரிய அதிகாரங்கள் கிடைக்க பாடுபடப் போவதாக தெரிவித்தார். மேலும், தான் ராணுவத்துக்கு எதிரானவர் இல்லை, இந்த அரசியல் அமைப்புக்கு மட்டுமே எதிரானவர் எனவும் ஐரோம் சர்மிளா அப்போது தெரிவித்தார்.

அப்போது, காஷ்மீர் பெண்கள் படும் துன்பம் குறித்து மத்திய மாநில அரசுகளுடன் பேசுவீர்களா? என்ற செய்தியாளர்களின் கேள்விக்கு பதிலளித்த அவர், ‘நான் எந்த அரசுடனும் பேசப்போவது இல்லை. ஆனால் மக்களிடம் நான் பேசுவேன். அவர்கள் அரசை பேச வைப்பார்கள்’ என தெரிவித்தார். #IromSharmila #Kashmirwomenempowerment