நீங்கள் தேடியது "garlic price low"

சேலம்:

சேலம் மாவட்ட உழவர் சந்தைகள் மற்றும் மார்க்கெட்களுக்கு வட மாநிலங்களில் இருந்து வெள்ளைபூண்டுகள் விற்பனைக்கு கொண்டு வரப்படுகிறது. மருத்துவ குணம் நிறைந்த இந்த வெள்ளை பூண்டுகளை அதிக அளவில் பொதுமக்கள் வாங்கி செல்வார்கள்.

ஒரு கிலோ வெள்ளை பூண்டு 60 முதல் 70 ரூபாய் வரை விற்பனையாகும். ஆனால் கடந்த சில நாட்களாக பூண்டு வரத்து அதிகரிப்பால் அதன் விலை படிப்படியாக குறைந்துள்ளது.

சேலம் செவ்வாய்ப்பேட்டை மார்க்கெட்டில் நடுத்தரமான வெள்ளை பூண்டு கடந்த சில நாட்களாக ரூ.20-க்கு விற்கப்படுகிறது. இதனால் பொதுமக்கள் கிலோ கணக்கில் வாங்கி செல்கிறார்கள். மேலும் தெரு தெருவாக வண்டிகளில் கொண்டு சென்றும் வெள்ளை பூண்டுகளை வியாபாரிகள் விற்பனை செய்து வருகிறார்கள். அதனையும் பொதுமக்கள் அதிக அளவில் வாங்கி செல்கிறார்கள்.