நீங்கள் தேடியது "Foland Garros"

செம்மண் தரையில் நடைபெறும் ஒரே கிராண்ட் ஸ்லாம் டென்னிஸ் தொடரான பிரெஞ்ச் ஓபன் பிரான்சில் நேற்று தொடங்கியது. இதில் ஆஸ்திரேலியாவின் முன்னணி வீரரான நிக் கிர்ஜியோஸ் பங்கேற்று விளையாட இருந்தார். கடைசி நேரத்தில் முழங்கை காயம் காரணமாக தொடரில் இருந்து விலகினார்.

கடந்த சில வாரங்களாக கிர்ஜியோஸ் முழங்கை காயத்தால் அவதிப்பட்டு வந்தார். இந்த காயம் இன்னும் சரியாகவில்லை என உணர்ந்ததால் போட்டியில் இருந்து வெளியேறியுள்ளார்.



போட்டியில் இருந்து வெளியேறிய கிர்ஜியோஸ் தனது டுவிட்டர் பக்கத்தில் ‘‘மன்னிகவும் ரசிகர்களே, நான் விளையாடுவதற்கு தயாரானேன். ஆனால், குறுகிய நேரம் மட்டுமே இங்கே வர முடிந்தது. துரதிருஷ்டவசமாக நான் பிரெஞ்ச் ஓபனில் இருந்து வெளியேறியுள்ளேன்.

செம்மண் தரையில் ஐந்து செட் கொண்ட இந்த போட்டியில் விளையாடினால் காயம் வீரியம் அடைந்து விடும் என மருத்துவ வல்லுனர்கள் தெரிவித்தனர்’’ என்று தெரிவித்துள்ளார்.