search icon
என் மலர்tooltip icon

    நீங்கள் தேடியது "broken down truck"

    • கட்டுமான பொருட்கள் ஏற்றி வந்த லாரி மலைப்பாதையின் முதல் கொண்டை ஊசி வளைவில் பழுதாகியது.
    • வாகனங்கள் 5 கிலோமீட்டர் தூரம் வரை சாலையில் அணிவகுத்து நின்றன.

    கோத்தகிரி,

    நீலகிரி மாவட்டத்தில் தற்போது கோடை திருவிழா நடைபெற்று வருவதால் தினந்தோறும் ஆயிரக்கணக்கில் சுற்றுலா பயணிகள் படையெடுத்த வண்ணம் உள்ளனர்.

    சுற்றுலா பயணிகள் நீலகிரிக்குள் வந்து செல்ல ஏதுவாக மாவட்ட நிர்வாகம் சாலைகளை ஒருவழிப்பாதையாக மாற்றி அமைத்துள்ளது. சுற்றுலா பயணிகள் நீலகிரி மாவட்டத்திற்குள் வருவதற்கு மேட்டுப்பாளையத்திலிருந்து குன்னூர் வழியாகவும் சுற்றுலாவை முடித்து விட்டு திரும்பி செல்ல கோத்தகிரி வழியாகவும் ஒருவழிப்பாதையாக உள்ளது.

    இதனால் மாலை வேளைகளில் கோத்தகிரி மேட்டுப்பாளையம் மலைப்பாதையில் அதிகப்படியான போக்குவரத்து நெரிசல் ஏற்பட்டு வாகனங்கள் மேட்டுப்பாளையம் வரை ஊர்ந்து செல்லும் நிலையில் இருக்கின்றன.

    இதில் நேற்று காலை மேட்டுப்பாளையத்தில் இருந்து கோத்தகிரி பகுதிக்கு கட்டுமான பொருட்கள் ஏற்றி வந்த லாரி மலைப்பாதையின் முதல் கொண்டை ஊசி வளைவில் பழுதாகி நின்று விட்டது.

    காலை முதல் மாலை வரை அந்த லாரியை பழுது பார்த்து விட்டு மாலை லாரியை அங்கிருந்து கிளப்ப முற்பட்டபோது லாரி சாலை வளைவின் நடுவில் மீண்டும் பழுதாகி நின்று விட்டது. இதனால் வாகனங்கள் சுமார் 5 கிலோமீட்டர் வரை சாலையில் அணிவகுத்து நின்றன. மேலும் 3 மணி நேரம் போக்குவரத்து நெரிசல் ஏற்பட்டது.

    ×