வலி நிவாரண கிரீம் மூலம் பல் துலக்கிய பெண்

பற்பசைக்கு (டூத்பேஸ்ட்) பதிலாக வலி நிவாரண கிரீம் மூலம் பல் துலக்கிய இளம்பெண் பற்றிய வீடியோ டிக்-டாக்கில் வைரலாகி வருகிறது. மியா கிட்டெல்சன் என்ற அந்த பெண் வலி நிவாரண கிரீம்களான டீப்ஹீட் குழாய்களை பெற்றுள்ளார். அவை பார்ப்பதற்கு பற்பசை போலவே இருந்துள்ளது. இதனால் பற்பசை என நினைத்து அந்த கிரீம்களை கலந்து பல் துலக்கி உள்ளார். அதன் பிறகே நடந்த தவறை அவர் உணர்ந்துள்ளார்.

உடனே அவர் தனது காதலனிடம் தெரிவித்துள்ளார். பின்னர் அவர் விஷக்கட்டுப்பாட்டு மையத்தை தொடர்பு கொண்டு நடந்த சம்பவங்களை கூறினார். அங்கிருந்த மருத்துவர்கள் மூலம் கிட்டெல்சனுக்கு உரிய சிகிச்சை அளிக்கப்பட்டுள்ளது.

இதுதொடர்பாக கிட்டெல்சன் வெளியிட்டுள்ள டிக்-டாக் வீடியோ பதிவு 1 கோடிக்கும் அதிகமான பார்வைகளை பெற்றுள்ளது. இதைப்பார்த்த பயனர்கள் பலரும் தங்களது கருத்துக்களை பதிவிட்டு வருகின்றனர்.