என் மலர்
உலகம்
இஸ்ரேல்-ஹமாஸ் போர் லைவ் அப்டேட்ஸ்: காசாவில் உள்ள ஹமாஸ் தலைவரை கண்டுபிடித்து ஒழிப்போம்: இஸ்ரேல்
- இஸ்ரேல் படைகள் காசாவில் ஹமாஸ் அமைப்பினருடன் சண்டையிட்டு வருகின்றன.
- ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று இஸ்ரேல் தெரிவித்தது.
இஸ்ரேல் மீது ஹமாஸ் பயங்கரவாதிகள் கடந்த 7-ம் தேதி திடீரென தாக்குதல் நடத்தினர். அத்துடன் பலர் பிணைக்கைதிகளாக பிடிக்கப்பட்டுள்ளனர். இதற்கு இஸ்ரேல் காசா மீது ஏவுகணைகளை வீசி பதிலடி கொடுத்து வருகிறது. இதனால் இரு பக்கமும் உயிர்ச்சேதம் ஏற்பட்டுள்ளது.
இருதரப்பிலும் உயிரிழந்தோர் எண்ணிக்கை 10 ஆயிரத்தைக் கடந்துள்ளது.
இந்நிலையில், இஸ்ரேல் பாதுகாப்பு மந்திரி யோவ் கேலன்ட் கடந்த இரு தினங்களில் வடக்கு எல்லை மற்றும் தெற்கில் சுற்றுப்பயணம் செய்தார்.
அதன்பின், செய்தியாளர்களிடம் பேசிய அவர், இஸ்ரேலியப் படைகள் காசாவில் ஹமாஸ் பயங்கரவாதிகளுடன் கடும் சண்டையில் ஈடுபட்டுள்ளன. ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று தெரிவித்தார்.
Live Updates
- 26 Oct 2023 9:38 AM IST
ஹமாஸ் பயங்கரவாத அமைப்பு பாலஸ்தீன மக்களுக்குப் பின்னால் சென்று ஒளிந்துகொண்ட கோழைகள் என அமெரிக்க அதிபர் ஜோ பைடன் கடுமையாக சாடியுள்ளார்.
- 26 Oct 2023 8:30 AM IST
அமெரிக்கா பாதுகாப்புத்துறை மந்திரி லாயிட் ஆஸ்டின், இஸ்ரேல் ராணுவ மந்திரியுடன் தொலைபேசியில் பேசினார். அப்போது போர் நிலவரம் குறித்து கேட்டறிந்தார். மேலும் காசாவிற்குள் மனிதாபிமான உதவிகளை அனுமதித்ததற்கு பாராட்டும் தெரிவித்தார். பிணைக்கைதிகளை விடுவிப்பது குறித்து இருவரும் ஆலோசனை நடத்தினர்.
- 26 Oct 2023 6:20 AM IST
இஸ்ரேல்-ஹமாஸ் மோதலில் பொதுமக்கள் உயிரிழப்பது கவலைக்குரிய விஷயம் என ஐ.நா.வுக்கான இந்தியாவின் நிரந்தர துணை தூதர் ரவீந்திரா நேற்று ஐ.நா.வில் தெரிவித்துள்ளார்.
- 25 Oct 2023 9:48 PM IST
இஸ்ரேல் - ஹமாஸ் இடையேயான போரில் உயிரிழந்தோர் எண்ணிக்கை 8 ஆயிரத்தை கடந்துள்ளது. இஸ்ரேல் மீது ஹமாஸ் நடத்திய தாக்குதலில் இதுவரை 1,405 பேர் கொல்லப்பட்டுள்ளனர். இந்த தாக்குதலுக்கு பதிலடியாக பாலஸ்தீனத்தின் காசா முனை மீது இஸ்ரேல் நடத்திய தாக்குதலில் இதுவரை 6 ஆயிரத்து 546 பேர் உயிரிழந்துள்ளனர். அதேபோல், பாஸ்தீனத்தின் மேற்குகரை பகுதியில் நடந்த மோதலில் இதுவரை 103 பேர் உயிரிழந்துள்ளனர். இதன் மூலம் இஸ்ரேல்-ஹமாஸ் இடையேயான போரில் உயிரிழந்தோர் எண்ணிக்கை 8 ஆயிரத்து 54 ஆக அதிகரித்துள்ளது.
- 25 Oct 2023 1:11 PM IST
காசாவில் எரிபொருள் தீர்ந்து, அனைத்து மருத்துவமனைகளும் முடங்கி, சிகிச்சை பெறுபவர்கள் தவிப்புக்குள்ளாகி இருக்கிறார்கள். இதனால் காசாவுக்குள் எரிபொருளை அனுப்ப அனுமதிக்க வேண்டும் என இஸ்ரேலை உலக நாடுகள் வலியுறுத்தி வருகின்றன.
- 25 Oct 2023 12:16 PM IST
நீங்கள் அமைதியாக வாழ விரும்பினால் பிணைக்கைதிகள் பற்றிய விவரங்களை உடனடியாக வெளியிட வேண்டும் என ஹமாஸ் அமைப்பிடம் இஸ்ரேல் பாதுகாப்புப் படை வலியுறுத்தியுள்ளது.
- 25 Oct 2023 10:50 AM IST
ஹமாஸ் அமைப்புக்கு ஆதரவாக பேசி வரும் ஐக்கிய நாடுகள் சபையின் பொதுச்செயலாளர் பதவியை அன்டோனியோ குட்டரெஸ் ராஜினாமா செய்ய வேண்டும் என இஸ்ரேல் அரசு கோரிக்கை விடுத்துள்ளது.
- 25 Oct 2023 10:04 AM IST
கடந்த 7-ம் தேதி இஸ்ரேலில் ஹமாஸ் நடத்திய பயங்கரவாத தாக்குதலில் இங்கிலாந்தைச் சேர்ந்த 12 பேர் கொல்லப்பட்டுள்ளனர். 5 பேர் மாயமாகி உள்ளனர் என இங்கிலாந்து தெரிவித்துள்ளது.
- 25 Oct 2023 8:59 AM IST
பிரான்ஸ் அதிபர் இம்மானுவல் மேக்ரான் இஸ்ரேல் பிரதமர் பெஞ்சமின் நேதன்யாகுவைச் சந்தித்தார். அப்போது பேசிய மேக்ரான், ஐஎஸ்ஐஎஸ் பயங்கரவாதிகளுக்கு எதிரான போரில் உலக அளவில் ஒன்றிணைந்தது போல, ஹமாசுக்கு எதிரான போரிலும் பிரான்ஸ் ஒன்றிணையும் என தெரிவித்தார்.
- 25 Oct 2023 6:16 AM IST
ஹமாசுடனான போரில் மனித உயிரிழப்பு நிகழ்வை அலட்சியப்படுத்தும் இஸ்ரேல் ராணுவத்தின் நடவடிக்கை எதிர் விளைவுகளை ஏற்படுத்தக் கூடும் என அமெரிக்காவின் முன்னாள் அதிபரான பராக் ஒபாமா எச்சரிக்கை விடுத்துள்ளார்.
