என் மலர்
உலகம்
இஸ்ரேல்-ஹமாஸ் போர் லைவ் அப்டேட்ஸ்: காசாவில் உள்ள ஹமாஸ் தலைவரை கண்டுபிடித்து ஒழிப்போம்: இஸ்ரேல்
- இஸ்ரேல் படைகள் காசாவில் ஹமாஸ் அமைப்பினருடன் சண்டையிட்டு வருகின்றன.
- ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று இஸ்ரேல் தெரிவித்தது.
இஸ்ரேல் மீது ஹமாஸ் பயங்கரவாதிகள் கடந்த 7-ம் தேதி திடீரென தாக்குதல் நடத்தினர். அத்துடன் பலர் பிணைக்கைதிகளாக பிடிக்கப்பட்டுள்ளனர். இதற்கு இஸ்ரேல் காசா மீது ஏவுகணைகளை வீசி பதிலடி கொடுத்து வருகிறது. இதனால் இரு பக்கமும் உயிர்ச்சேதம் ஏற்பட்டுள்ளது.
இருதரப்பிலும் உயிரிழந்தோர் எண்ணிக்கை 10 ஆயிரத்தைக் கடந்துள்ளது.
இந்நிலையில், இஸ்ரேல் பாதுகாப்பு மந்திரி யோவ் கேலன்ட் கடந்த இரு தினங்களில் வடக்கு எல்லை மற்றும் தெற்கில் சுற்றுப்பயணம் செய்தார்.
அதன்பின், செய்தியாளர்களிடம் பேசிய அவர், இஸ்ரேலியப் படைகள் காசாவில் ஹமாஸ் பயங்கரவாதிகளுடன் கடும் சண்டையில் ஈடுபட்டுள்ளன. ஹமாஸ் காசா தலைவரை கண்டுபிடித்து ஒழித்துக் கட்டுவோம் என்று தெரிவித்தார்.
Live Updates
- 9 Oct 2023 6:12 PM IST
காசா எல்லையை தனது கட்டுப்பாட்டுக்குள் இஸ்ரேல் ராணுவம் கொண்டு வந்துள்ளது. ஹமாஸ் அமைப்பினர் மீது இஸ்ரேல் குண்டு மழை பொழிந்து வருகிறது. காசா எல்லையை முற்றிலுமாக இஸ்ரேல் முடக்கியது. உணவு, எரிபொருள் விநியோகம் துண்டிக்கப்பட்டதாகவும் அறிவிக்கப்பட்டுள்ளது.
- 9 Oct 2023 1:18 PM IST
ஹமாஸ் தாக்குதலில் இஸ்ரேலில் 2382 பேர் காயம் அடைந்துள்ளனர். 700 க்கும் மேற்பட்டோர் உயிரிழந்துள்ளனர்.
- 9 Oct 2023 12:19 PM IST
இஸ்ரேல் நாணயத்திற்கு ஆதரவாக 30 பில்லியன் அமெரிக்க டாலர்களை விற்க இருக்கிறது இஸ்ரேல் மத்திய வங்கி
- 9 Oct 2023 9:35 AM IST
இரு நாடுகளுக்கு இடையிலான தீர்வு குறித்து பேசுவற்கான நேரம் இது அல்ல என்று சீனாவுக்கான இஸ்ரேல் தூதர் தெரிவித்துள்ளார்.
- 9 Oct 2023 9:34 AM IST
இஸ்ரேல் நாட்டில் உள்ள தங்கள் நாட்டினரை வெளியேற்றும் பணியில் பிரேசில் நாடு ஈடுபட்டு வருகிறது.
- 9 Oct 2023 9:34 AM IST
சீனாவின் ஹைனான் ஏர்லைன்ஸ் ஷாங்சாய்- இஸ்ரேல் விமான போக்குவரத்தை நிறுத்தியுள்ளது
