பாகிஸ்தான்: கராச்சியில் அடுக்குமாடி குடியிருப்பு கட்டிடம் இடிந்து விபத்து- 7 பேர் பலி

பாகிஸ்தான் கராச்சியில் 5 மாடி குடியிருப்பு கட்டிடம் இடிந்து விழுந்த விபத்தில் 7 பேர் உயிரிழந்த நிலையில், 8 பேர் காயம் அடைந்துள்ளனர்.

கராச்சியில் உள்ள லியாரி பாக்தாதி என்ற இடத்தில் 5 மாடி குடியிருப்பு கட்டிடம் உள்ளது. இந்த கட்டிடத்தின் ஒரு பகுதி திடீரென இடிந்து விழுந்தது. கட்டிட இடிபாட்டிற்குள் சிக்கியுள்ளவர்களை மீட்கும் பணி நடைபெற்று வருகிறது. இதுவரை 7 பேர் உடல்கள் மீட்கப்பட்டுள்ளன. 8 பேர் காயம் அடைந்துள்ளனர்.

இன்னும் ஏராளமானோர் கட்டிட இடிபாட்டில் சிக்கியிருப்பதாக அஞ்சப்படுகிறது. குறைந்தது 25 பேராவது சிக்கியிருக்கலாம் என மீட்புப் பணியில் ஈடுபட்டுள்ள அதிகாரிகள் தெரிவித்துள்ளனர்.