என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உலகம்
X
உக்ரைன் எல்லையில் இருந்து முகாம்களுக்கு திரும்பும் ரஷிய படைகள்
Byமாலை மலர்15 Feb 2022 2:14 PM GMT (Updated: 15 Feb 2022 2:14 PM GMT)
டாங்கிகள் மற்றும் கவச வாகனங்கள் ரெயிலில் புறப்பட்டு செல்லும் படங்களை ரஷிய ராணுவ அமைச்சகம் வெளியிட்டுள்ளது.
மாஸ்கோ:
முன்னாள் சோவியத் ஒன்றிய நாடான உக்ரைன் மற்றும் அதன் அண்டை நாடான ரஷியா இடையிலான மோதல் தற்போது உச்சக்கட்டத்தை எட்டியுள்ளது. உக்ரைன் நாட்டின் எல்லையில் ரஷியா 1 லட்சத்துக்கும் மேற்பட்ட படை வீரர்களை குவித்துள்ளதால் அங்கு பதற்றமான சூழல் நிலவி வருகிறது.
உக்ரைன் மீது படையெடுப்பதற்காகவே ரஷியா படைகளை குவித்துள்ளதாக அமெரிக்கா மற்றும் பல மேற்கத்திய நாடுகள் எச்சரித்து வரும் நிலையில், ரஷியா அந்த குற்றச்சாட்டை மறுக்கிறது. உக்ரைன் மீது எந்த நேரத்திலும் ரஷியா போர் தொடுக்கலாம் என்ற செய்தி பரவி வருவதால், போர் பதற்றம் நீடிக்கிறது.
இந்நிலையில், உக்ரைன் எல்லையில் பயிற்சியில் ஈடுபட்டிருந்த ராணுவ வீரர்கள் சிலர் முகாமிற்கு திரும்புவதாக ரஷ்யா இன்று செய்தி வெளியிட்டுள்ளது. இதன்மூலம் ரஷியா உக்ரைன் மீது உடனடியாக போர் தொடுக்க திட்டமிடாமல் இருக்கலாம்.
டாங்கிகள் மற்றும் கவச வாகனங்கள் ரெயிலில் ஏற்றப்பட்டிருந்த புகைப்படத்தையும், ராணுவ இசைக்குழு இசைக்கும் போது ஒரு டேங்க் கமாண்டர் தனது படைகளுக்கு சல்யூட் அடிக்கும் புகைப்படத்தையும் ரஷிய ராணுவ அமைச்சகம் வெளியிட்டுள்ளது. ஆனால் துருப்புக்கள் எந்த பகுதியிலிருந்து பின்வாங்குகிறார்கள், எத்தனை வீரர்கள்? அவர்கள் எங்கு நிறுத்தப்படுவார்கள்? என்ற விவரங்கள் எதுவும் வெளியிடப்படவில்லை.
இதன்மூலம் உக்ரைன் எல்லைகளில் ரஷியா படைகளை குறைப்பதாக தகவல் வெளியானது. ஆனால் இதனை உக்ரைன் தலைவர்கள் நம்பவில்லை. படைகள் வெளியேறுவதை நேரில் பார்த்தால் மட்டுமே நம்புவோம் என கூறுகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X