search icon
என் மலர்tooltip icon

    செய்திகள்

    இங்கிலாந்து அரச குடும்பத்தில் சண்டை: இளவரசர்கள் வில்லியம்-ஹாரி பிரிந்தனர்
    X

    இங்கிலாந்து அரச குடும்பத்தில் சண்டை: இளவரசர்கள் வில்லியம்-ஹாரி பிரிந்தனர்

    இங்கிலாந்து அரச குடும்பத்தில் இளவரசர்கள் வில்லியம் மற்றும் ஹாரி ஆகியோர் தனிக்குடித்தனம் செல்கின்றனர். #William #Harry
    லண்டன்:

    இங்கிலாந்து ராணி எலிசபெத்தின் பேரன்கள் இளவரசர் வில்லியம்- ஹாரி, இவர்கள் இளவரசர் சார்லஸ்-டயானா தம்பதியினரின் மகன்கள். இவர்கள் இருவருக்கும் திருமணமாகி விட்டது.

    இளவரசர் வில்லியமுக்கு 3 குழந்தைகள் உள்ளனர். இவரது தம்பி இளவரசர் ஹாரியின் மனைவி மேகன் கர்ப்பமாக இருக்கிறார். அவருக்கு ஏப்ரல் அல்லது மே மாதம் குழந்தை பிறக்கும் என எதிர்பார்க்கப்படுகிறது.

    இளவரசர்கள் வில்லியமும், ஹாரியும் ஒற்றுமையாக இருந்தனர். தற்போது அவர்களுக்குள் கருத்து வேறுபாடு ஏற்பட்டது.

    அதைத்தொடர்ந்து இருவரும் தனித்தனியாக பிரிந்து விட்டனர். தற்போது இருவரும் தங்களின் அறக்கட்டளை பணிகள் மற்றும் அரச குடும்பத்து பணிகளை தனித்தனியாக கவனிக்கின்றனர். இதற்கு முன்பு அப்பணிகளை சகோதரர்கள் 2 பேரும் சேர்ந்தே கவனித்தனர்.

    ஹாரியின் திருமணத்துக்கு முன்பு இருவரும் ஒற்றுமையாகவே இருந்தனர். தற்போது வில்லியம் தன் மனைவி கேத் மிடில்டனுக்கும், ஹாரியின் மனைவி மேகனுக்கும் பிடிக்கவில்லை. இருவருக்கும் இடையே கருத்து வேறுபாடு ஏற்பட்டு அடிக்கடி வாக்குவாதம் ஏற்படுகிறது.

    மேலும் ஹாரி தனது ஆலோசனையை பெற்று தனியாக செயல்பட வேண்டும் என மேகன் விரும்புகிறார். தனது கணவரின் செயல்பாடுகள் சுதந்திரமாகவும், தன்னிச்சையாகவும் இருக்க வேண்டும் என கருதுகிறார். இதன் காரணமாகவே இளவரசர்கள் வில்லியம்-ஹாரியின் மனைவிகளுக்குள் சண்டை ஏற்பட காரணம் என கென்சிங்டன் அரண்மனை ஊழியர்கள் தெரிவிக்கின்றனர்.

    தற்போது கர்ப்பிணியாக இருக்கும் மேகன் தனது கணவர் ஹாரியுடன் கென்சிங்டன் அரண்மனையில் இருந்து வெளியேறி பிராக்மோர் காட்டேஜுக்கு தனிக்குடித்தம் போகிறார்.

    அங்கு தனி அலுவலகம் அமைத்து ஊழியர்களும் நியமிக்கப்பட உள்ளனர். அதேபோன்று இளவரசர் வில்லியமும் தனி அலுவலகம் மற்றும் ஊழியர்களை நியமித்து செயல்படுகிறார். #William #Harry
    Next Story
    ×