search icon
என் மலர்tooltip icon

    செய்திகள்

    ராணுவவீரர் உடலை பார்த்து மனைவி கதறி அழுத காட்சி.
    X
    ராணுவவீரர் உடலை பார்த்து மனைவி கதறி அழுத காட்சி.

    வேலூர் கலெக்டர் அலுவலகம் அருகே மேம்பாலத்தில் இருந்து குதித்து ராணுவ வீரர் தற்கொலை

    வேலூர் கலெக்டர் அலுவலகம் அருகே மனைவியுடன் ஏற்பட்ட தகராறில் ராணுவீரர் மேம்பாலத்தில் இருந்து குதித்து தற்கொலை செய்துகொண்டார்.
    வேலூர்:

    வேலூர் அடுத்த கணியம்பாடி என்.எஸ்.கே. நகரை சேர்ந்தவர் மகேஷ் (வயது 30). ராணுவவீரர். இவரது மனைவி புவனேஸ்வரி கணியம்பாடி வட்டார வளர்ச்சி அலுவலகத்தில் வேலை பார்த்து வருகிறார்.

    இவர்களுக்கு கடந்த 1 மாதத்திற்கு முன்பு திருமணம் நடந்தது. இன்று காலை இருவரும் மோட்டார் சைக்கிளில் வந்தனர். வேலூர் கலெக்டர் அலுவலகம் அருகே வந்தபோது 2 பேருக்குமிடையே தகராறு ஏற்பட்டது.

    திடீரென அவர்களுக்குள் வாய்த்தகராறு ஏற்பட்டது. அவர்கள் இருவரும் சத்தமாக பேசிக்கொண்டனர்.

    அப்போது திடீரென ஆவேசம் அடைந்த மகேஷ் மோட்டர் சைக்கிளை நிறுத்திவிட்டு மேம்பால சுவற்றின் மீது ஏறி நின்று கீழே குதித்தார். அவர் கலெக்டர் அலுவலகம் ஒட்டி உள்ள பஸ் நிறுத்தம் அருகே வந்து தலைகீழாக விழுந்தார்.

    இதில் அவரது தலை இரண்டாக பிளந்து ரத்தம் கொட்டியது. துடிதுடித்த அவர் சம்பவ இடத்திலேயே பரிதாபமாக இறந்தார்.

    இதனை கண்ட அவரது மனைவி புவனேஸ்வரி மற்றும் பொதுமக்கள் அதிர்ச்சி அடைந்தனர். அவரது மனைவி மேம்பாலத்தில் நின்றபடி கதறி அழுதார். சாலையில் இருந்த வாகன ஓட்டிகள் அவரை அரவணைத்து சமாதானம் செய்தனர்.

    இதுபற்றி சத்துவாச்சாரி போலீசுக்கு தகவல் கொடுக்கப்பட்டது.

    போலீசார் சம்பவ இடத்திற்கு வந்து ராணுவ வீரர் உடலை மீட்டு அடுக்கம்பாறை அரசு ஆஸ்பத்திரிக்கு அனுப்பி வைத்தனர்.

    அவரது மனைவியை ஆட்டோவில் போலீஸ் நிலையம் அழைத்து சென்றனர். வழியிலேயே அவர் மயக்கம் அடைந்தார். அவரை வேலூர் அரசு ஆஸ்பத்திரிக்கு அழைத்து சென்று சிகிச்சை அளித்தனர்.

    மேலும் இதுபற்றி விசாரணை நடத்தி வருகின்றனர். இந்த சம்பவம் சத்துவாச்சாரியில் பரபரப்பை ஏற்படுத்தியது.
    Next Story
    ×