search icon
என் மலர்tooltip icon

    செய்திகள்

    சென்னையில் மெட்ரோ ரெயில் பயணிகளுக்காக வாடகை ஸ்கூட்டர் சேவை
    X

    சென்னையில் மெட்ரோ ரெயில் பயணிகளுக்காக வாடகை ஸ்கூட்டர் சேவை

    சென்னை மெட்ரோ ரெயில் நிலையங்களில் பயணிகள் வசதிக்காக வாடகை ‘ஸ்கூட்டர்’ சேவை நிமிடத்துக்கு ரூ.1.20 கட்டணத்தில் தொடங்கப்பட உள்ளது. #MetroTrain
    சென்னை:

    சென்னை மாநகர போக்குவரத்து நெரிசலை குறைப்பதற்காக மெட்ரோ ரெயில் திட்டம் உருவாக்கப்பட்டது. கோயம்பேடு- ஆலந்தூர், சின்னமலை- விமான நிலையம் வரை உயர்மட்ட பாதையிலும் திருமங்கலம் - விமான நிலையம், சைதாப்பேட்டை- சென்ட்ரல் வரை சுரங்கப் பாதையிலும் மெட்ரோ ரெயில் பயணிகள் சேவை நடந்து வருகிறது.

    மெட்ரோ ரெயில் நிலையத்துக்கு வரும் பயணிகளுக்காக பல்வேறு சிறப்பு வசதிகளை மெட்ரோ ரெயில் நிர்வாகம் செய்து வருகிறது. வாடகை சைக்கிள் வாடகை கார், வாடகை ஆட்டோ வசதிகள் மெட்ரோ பயணிகளுக்காக அறிமுகப்படுத்தப்பட்டுள்ளது.

    இந்த நிலையில் மேலும் புதிதாக மெட்ரோ ரெயில் பயணிகள் வசதிக்காக வாடகை ‘ஸ்கூட்டர்’ சேவையை ‘வோகோ’ நிறுவனத்துடன் இணைந்து மெட்ரோ ரெயில் நிறுவனம் அறிமுகப்படுத்த திட்டமிட்டுள்ளது.

    நிமிடத்துக்கு ரூ.1.20 கட்டணத்தில் வாடகை ஸ்கூட்டர் சவாரியை மெட்ரோ ரெயில் பயணிகள் பெற்றுக் கொள்ளலாம். மொபைல் போனில் ‘ஸ்கூட்டர்’ ரெண்டல் ஆப் டவுன்லோடு மூலம் ஆரம்ப இடம், முடிவு இடம் பதிவிட்டு ஓ.டி.பி. எண் மூலம் இந்த வசதியை பெறலாம்.

    வாடகை ‘ஸ்கூட்டர்’ வசதியை உபயோகித்தப் பின்னர் ஸ்கூட்டரை ஒப்படைக்கும் போது கணக்கிட்டு பணம் செலுத்தலாம். ‘கியூ.ஆர்’ கோடு மூலமும் இந்த வசதியை பெற முடியும்.

    மெட்ரோ ரெயில் நிலைய வாடகை ஸ்கூட்டர் வசதி மூலம் பயணிகள், ஐ.டி. நிறுவனங்களில் பணிபுரிவோர்கள், வேலைக்கு செல்வோர்கள், வீடு, அலுவலகங்கள் செல்வோர் பெரிதும் பயன்பெறுவார்கள். சாலைகளில் ஏற்படும் போக்குவரத்து நெருக்கடிகள் வெகுவாக குறையும். #MetroTrain
    Next Story
    ×