மேட்டூர் அணை நீர்மட்டம் 97 அடியாக சரிவு

மேட்டூர்:

காவிரி நீர்ப்பிடிப்பு பகுதிகளில் பெய்த தொடர் மழையால் மேட்டூர் அணைக்கு கடந்த 7 மாதங்களாக தண்ணீர் வந்து கொண்டிருக்கிறது.

நேற்று 1029 கன அடியாக இருந்த நீர்வரத்து இன்று 1005 கன அடியாக வந்து கொண்டிருக்கிறது. அணையில் இருந்து பாசனத்திற்காக காவிரி ஆற்றில் 12 ஆயிரத்து 500 கன அடி தண்ணீரும் கால்வாயில் 600 கன அடி தண்ணீரும் திறந்துவிடப்பட்டுள்ளது

அணைக்கு வரும் தண்ணீரை விட அணையில் இருந்து பல மடங்கு அதிகமாக தண்ணீர் திறந்து விடப்படுவதால் அணையின் நீர்மட்டம் வேகமாக சரிந்து வருகிறது.

நேற்று 98.37 அடியாக இருந்த மேட்டூர் அணை நீர்மட்டம் இன்று 97.53 அடியாக இருந்தது. இதனால் ஒரே நாளில் நீர்மட்டம் சுமார் 1 அடி குறைந்துள்ளது.

இனிவரும் நாட்களில் மேட்டூர் அணை நீர்மட்டம் வேகமாக சரிய வாய்ப்பு உள்ளது. #MetturDam