மியாமி ஓபன் டென்னிஸ்: காலிறுதியில் யூகி பாம்ப்ரி ஜோடி தோல்வி

புளோரிடா:

மியாமி ஓபன் டென்னிஸ் தொடர் அமெரிக்காவின் புளோரிடா நகரில் நடைபெற்று வருகிறது. இதில் முன்னணி வீரர், வீராங்கனைகள் பங்கேற்றுள்ளனர்.

இதில் ஆண்கள் இரட்டையர் பிரிவின் காலிறுதி சுற்றில் இந்தியாவின் யூகி பாம்ப்ரி-போர்ச்சுக்கலின் நுனோ போர்ஜஸ் ஜோடி, பிரிட்டனின் லாய்ட் கிளாஸ்போல்-ஜூலியன் காஷ் ஜோடியுடன் மோதியது.

இதில் முதல் செட்டை 6-7 (1-7) என இழந்த யூகி பாம்ப்ரி ஜோடி, அடுத்த செட்டை 6-3 என வென்றது. வெற்றியாளரை நிர்ணயிக்கும் 3வது செட்டை பிரிட்டன் ஜோடி 10-8 என கைப்பற்றியது. இதன்மூலம் யூகி பாம்ப்ரி ஜோடி காலிறுதியில் தோற்று தொடரில் இருந்து வெளியேறியது.