என் மலர்
விளையாட்டு
ஆசிய விளையாட்டு போட்டி: கபடி, கிரிக்கெட்டில் தங்கம் வென்று இந்தியா அசத்தல்- பதக்கம் 107ஆனது! லைவ் அப்டேட்ஸ்
19-வது ஆசிய விளையாட்டு போட்டி சீனாவின் ஹாங்சோவ் நகரில் நடந்து வருகிறது. இதில் 45 நாடுகளைச் சேர்ந்த 12,400 வீரர், வீராங்கனைகள் பங்கேற்றுள்ளனர்.
கபடி பெண்கள் பிரிவில் இந்தியா, சீன தைபே அணியை போராடி 26-24 என்ற கணக்கில் வீழ்த்தி தங்கம் வென்றது. இது இந்தியாவுக்கு 100-வது பதக்கமாக அமைந்தது.
ஏற்கனவே, வில்வித்தையில் இந்தியா 2 தங்கம், 1 வெள்ளி, வெண்கலம் வென்றுள்ளது.
இந்நிலையில், இந்திய அணி இதுவரை 28 தங்கம், 38 வெள்ளி, 41 வெண்கலம் என மொத்தம் 107 பதக்கங்களைப் பெற்றுள்ளது. பதக்கப் பட்டியலில் இந்தியா தொடர்ந்து 4-வது இடத்தில் நீடிக்கிறது.
Live Updates
6 Oct 2023 9:13 AM ISTவங்காளதேசத்துக்கு எதிரான போட்டியில் இந்தியா 9.2 ஓவரில் ஒரு விக்கெட்டுக்கு 97 ரன்கள் எடுத்து அபார வெற்றி பெற்றது.
- 6 Oct 2023 9:10 AM IST
வங்காளதேசத்துக்கு எதிரான போட்டியில் இந்தியாவின் திலக் வர்மா அதிரடியாக ஆடி அரை சதமடித்தார்.
- 6 Oct 2023 9:00 AM IST
மல்யுத்தம் ஆண்கள் ப்ரீ ஸ்டைல் 65 கிலோ எடைப்பிரிவில் இந்தியாவின் பஜ்ரங் புனியா பிலிப்பைன்ஸ் வீரரை வீழ்த்தி காலிறுதிக்கு முன்னேறினார்.
- 6 Oct 2023 8:58 AM IST
மல்யுத்தம் பெண்கள் ப்ரீ ஸ்டைல் 76 கிலோ எடைப்பிரிவில் இந்தியாவின் கிரண் ஜப்பானிய வீராங்கனையை வீழ்த்தி அரையிறுதிக்கு முன்னேறினார்.
- 6 Oct 2023 8:50 AM IST
மல்யுத்தம் பெண்கள் ப்ரீ ஸ்டைல் 62 கிலோ எடைப்பிரிவில் இந்தியாவின் சோனம் மாலிக் மங்கோலிய வீராங்கனையை விழ்த்தி அரையிறுதிக்கு முன்னேறினார்.
- 6 Oct 2023 8:46 AM IST
செபக்டக்ரா போட்டியின் பெண்கள் ரெகு பிரிவில் இந்திய அணி அரையிறுதிக்கு முன்னேறியது.
- 6 Oct 2023 8:22 AM IST
மல்யுத்தம் பெண்கள் ப்ரீ ஸ்டைல் 62 கிலோ எடைப்பிரிவில் இந்தியாவின் சோனம் மாலிக் காலிறுதிக்கு முன்னேறினார்.
- 6 Oct 2023 8:19 AM IST
வில்வித்தை பெண்கள் ரிகர்வ் பிரிவு அரையிறுதி ஆட்டத்தில் இந்திய அணி தென் கொரியாவிடம் 2-6 என தோல்வி அடைந்தது.
- 6 Oct 2023 8:11 AM IST
மல்யுத்தம் ஆண்கள் 57 கிலோ எடைப்பிரிவில் இந்தியாவின் அமன் ஷெராவத் 6-1 என கொரிய வீரரை வீழ்த்தி காலிறுதிக்கு முன்னேறினார்.
