சீன ஓபன் பேட்மிண்டன்: எச்.எஸ்.பிரனாய் முதல் சுற்றில் வெற்றி

பீஜிங்:

சீன ஓபன் பேட்மிண்டன் போட்டி சீனாவின் சாங்சோ நகரில் தொடங்கியது. இந்தத் தொடரில் இந்தியாவின் முன்னணி வீரர், வீராங்கனைகள் களம் கான்கின்றனர்.

இந்நிலையில், ஆண்கள் ஒற்றையர் பிரிவில் இந்தியாவின் எச்.எஸ்.பிரனாய், ஜப்பானின் கோகி வடனாபே உடன் மோதினார்.

இதில் முதல் செட்டை 21-8 என ஜப்பான் வீரர் கைப்பற்றினார். இதில் சுதாரித்துக் கொண்டு அதிரடியாக ஆடிய எச்.எஸ்.பிரனாய் அடுத்த இரு செட்களை 21-16, 23-21 என்ற செட் கணக்கில் வென்று இரண்டாவது சுற்றுக்கு முன்னேறினார்.

மற்றொரு நட்சத்திர வீரரான இந்தியாவின் லக்ஷயா சென் முதல் சுற்றில் தோல்வி அடைந்து தொடரில் இருந்து வெளியேறினார்.