2021-ம் ஆண்டின் சிறந்த கிரிக்கெட் வீராங்கனைக்கான போட்டியில் இந்திய வீராங்கனை

ஐ.சி.சி. ஒவ்வொரு வருடமும் சிறப்பாக விளையாடும் வீரர்கள் மற்றும் வீராங்கனைகளுக்கு விருது வழங்கி கவுரவித்து வருகிறது. சிறந்த வீராங்கனை விருக்கான கடைசி நான்கு பேர் பட்டியலில் இந்திய வீராங்கனை ஸ்மிரிதி மந்தனா இடம் பிடித்துள்ளார்.

இவருடன்  இங்கிலாந்தின் டேமி பியுமோன்ட், தென்ஆப்பிரிக்காவின் லிஜேல் லீ, அயர்லாந்தின் கோபி லீவிஸ் ஆகியோர் பெயரும் பரிந்துரை செய்யப்பட்டுள்ளது. அதேபோல் சிறந்த டி20 வீராங்கனைக்கான பட்டியலிலும் ஸ்மிரிதி இடம் பிடித்துள்ளார்.

25 வயதான ஸ்மிரிதி மந்தனா மூன்று வடிவிலான கிரிக்கெட்டிலும் 22 போட்டிகளில் விளையாடி 855 ரன்கள் அடித்துள்ளார். சராசரி 38.86 ஆகும். ஒரு சதம், ஐந்து அரைசதம் அடித்துள்ளார்.

ஜனவரி 23-ந்தேதி விருதுகள் அறிவிக்கப்படும்.