உலக செஸ் சாம்பியன்ஷிப்பில் கார்ல்சென் மீண்டும் சாம்பியன்

துபாய்:

உலக செஸ் சாம்பியன்ஷிப் போட்டி நடப்பு சாம்பியன் மாக்னஸ் கார்ல்சென் (நார்வே), கேன்டிடேட் போட்டியில் வெற்றி கண்ட இயான் நெபோம்னியாச்சி(ரஷியா) இடையே துபாயில் நடந்து வருகிறது. 

இதில் நேற்று நடந்த 11-வது சுற்றில் கருப்பு நிற காய்களுடன் ஆடிய கார்ல்சென் 49-வது நகர்த்தலில் எதிராளிக்கு செக் வைத்து 4-வது வெற்றியை பெற்றார். இதன் மூலம் 7½ புள்ளிகளை எட்டிய கார்ல்சென் மீண்டும் உலக சாம்பியன்ஷிப் பட்டத்தை தட்டிச் சென்றார். 

நெபோம்னியாச்சி 3½ புள்ளிகள் பெற்றுள்ளார். இந்த போட்டியில் இன்னும் 3 சுற்றுகள் இருந்தாலும் அதில் விளையாட வேண்டிய அவசியம் இல்லை. 31 வயதான கார்ல்சென் தொடர்ந்து 5-வது முறையாக உலக பட்டத்தை உச்சிமுகர்ந்துள்ளார்.