search icon
என் மலர்tooltip icon

    செய்திகள்

    வெற்றி பெற்ற மகிழ்ச்சியை கொண்டாடும் ஸ்காட்லாந்து வீரர்
    X
    வெற்றி பெற்ற மகிழ்ச்சியை கொண்டாடும் ஸ்காட்லாந்து வீரர்

    டி20 உலக கோப்பை - 6 ரன்னில் வங்கதேசத்தை வீழ்த்தி வெற்றி பெற்றது ஸ்காட்லாந்து

    வங்கதேசத்துக்கு எதிரான போட்டியில் ஸ்காட்லாந்து அணியின் கிறிஸ் கிரீவ்ஸ் 3 விக்கெட் வீழ்த்தி அசத்தினார்.
    அல் அமீரத்:

    20 ஓவர் உலக கோப்பை கிரிக்கெட் தொடரின் முதல் சுற்று போட்டிகள் இன்று தொடங்கின. இந்த சுற்றில் பங்கேற்றுள்ள 8 அணிகள் 2 பிரிவாக பிரிக்கப்பட்டு லீக் சுற்றில் மோதுகின்றன. 

    இன்று நடைபெற்ற இரண்டாவது ஆட்டத்தில் ஸ்காட்லாந்து, வங்கதேசம் அணிகள் மோதின. டாஸ் வென்ற வங்கதேச அணி பீல்டிங்கைத் தேர்வு செய்தது. 

    அதன்படி, முதலில் பேட் செய்த ஸ்காட்லாந்து அணி நிர்ணயிக்கப்பட்ட 20 ஓவரில் 9 விக்கெட்டுக்கு 140 ரன்கள் எடுத்தது. அதிகபட்சமாக கிறிஸ் கிரீவ்ஸ் 45 ரன்கள் அடித்தார்.

    வங்கதேசம் சார்பில் மஹதி ஹசன் 3 விக்கெட்டும், ஷாகிப் அல் ஹசன், முஸ்தாபிகுர் ரஹ்மான் ஆகியோர் தலா 2 விக்கெட் வீழ்த்தினர். 

    இதையடுத்து 141 ரன்கள் எடுத்தால் வெற்றி என்ற இலக்குடன் வங்கதேசம் அணி களமிறங்கியது. முஷ்பிகுர் ரஹிம் ஓரளவு தாக்குப் பிடித்து 38 ரன்கள் எடுத்தார். மற்ற வீரர்கள் தாக்குப் பிடிக்கவில்லை.

    இறுதியில், வங்கதேசம் 7 விக்கெட் இழப்புக்கு 134 ரன்கள் மட்டுமே எடுத்தது. இதன்மூலம் ஸ்காட்லாந்து அணி 6 ரன்கள் வித்தியாசத்தில் அபார வெற்றி பெற்றது.

    ஸ்காட்லாந்து சார்பில் பிராட்லி வீல் 3 விக்கெட்டும், கிறிஸ் கிரீவ்ஸ் 2 விக்கெட்டும் வீழ்த்தினர். ஆட்ட நாயகன் விருது ஸ்காட்லாந்தின் கிறிஸ் கிரீவ்ஸ்க்கு அளிக்கப்பட்டது.


    Next Story
    ×