அமெரிக்க ஓபன் டென்னிஸ் - சபலென்கா, கிரெஜ்சிகோவா காலிறுதிக்கு முன்னேற்றம்

நியூயார்க்:

கிராண்ட்ஸ்லாம் என்ற உயரிய அந்தஸ்து பெற்ற அமெரிக்க ஓபன் டென்னிஸ் போட்டி நியூயார்க் நகரில் நடந்து வருகிறது.

இதில் பெண்கள் ஒற்றையர் பிரிவின் நான்காவது சுற்றில் நம்பர் 2 வீராங்கனையான பெலாரஸ் நாட்டைச் சேர்ந்த அரினா சபலென்கா, பெல்ஜியத்தின் எலைஸ் மெர்டன்சுடன் மோதினார்.

இதில் சபலென்கா 6-4, 6-1 என்ற நேர் செட்களில் எளிதில் வென்று காலிறுதிக்கு முன்னேறினார்.

இதேபோல், செக் குடியரசைச் சேர்ந்த பார்போரா கிரெஜ்சிகோவா, ஸ்பெயினைச் சேர்ந்த கார்பைன் முகுருசாவுடன் மோதினார். இதில் கிரெஜ்சிகோவா அபாரமாக விளையாடி 6-3, 7-6 என்ற நேர் செட்களில் வென்று காலிறுதிக்கு முன்னேற்றம் கண்டார்.