டேபிள் டென்னிஸ்: கடும் போராட்டத்திற்குப்பின் சுதிர்தா முகர்ஜி முதல் சுற்றில் வெற்றி

டேபிள் டென்னிஸ் ஒற்றையர் பிரிவில் இந்திய வீராங்கனை சுதிர்தா முகர்ஜி சுவீடனைச் சேர்ந்த  லிண்டா பெர்க்ஸ்ட்ராமை முதல் சுற்றில் எதிர்கொண்டார். சுதிர்தா முகர்ஜிக்கு சுவீடன் வீராங்கனை கடும் சவாலாக விளங்கினார்.

முதல் கேம்-ஐ சுகிர்தா 5-11  என இழந்தார். 2-வது செட்டை 11-9 எனக் கைப்பற்றினார். ஆனால் 3-வது செட்டை 11-13 எனவும், 9-11 எனவும் இழந்து 1-3 என பின்தங்கினார்.

அதன்பின் சுதாரித்துக்கொண்ட சுதிர்தா அடுத்த மூன்று கேம்ஸ்களையும் 11-3, 11-9, 11-5 என கைப்பற்றி மேட்சில் 4-3 என வெற்றி பெற்று அடுத்த சுற்றுக்கு முன்னேறினார்.