என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
லார்ட்ஸ் டெஸ்ட்: முதல்நாள் ஆட்டநேர முடிவில் நியூசிலாந்து 246-3
Byமாலை மலர்3 Jun 2021 3:47 AM GMT (Updated: 3 Jun 2021 3:47 AM GMT)
கேன் வில்லியம்சன், ராஸ் டெய்லர் ஏமாற்றம் அளித்தாலும், அறிமுக வீரர் டேவன் கான்வே அபாரமாக விளையாடி சதம் அடித்து அணியை சரிவில் இருந்து மீட்டார்.
இங்கிலாந்து- நியூசிலாந்து கிரிக்கெட் அணிகளுக்கு இடையிலான முதல் டெஸ்ட் போட்டி லண்டன் லார்ட்ஸில் நேற்று தொடங்கியது. இப்போட்டியில் டாஸ் வென்ற நியூசிலாந்து கேட்பன் வில்லியம்சன் முதலில் பேட்டிங்கை தேர்வு செய்தார். நியூசிலாந்து அணியில் டேவன் கான்வே அறிமுகம் ஆனார். இங்கிலாந்து அணியில் ராபின்சன், இங்கிலாந்து அணியில் ஜேம்ஸ் பிரேஸ், ஒல்லி ராபின்சன் ஆகியோர் அறிமுகம் ஆகினர்.
நியூசிலாந்து அணியின் தொடக்க வீரர்களாக டாம் லாதம் மற்றும் டேவன் கான்வே ஆகியோர் களமிறங்கினார். இருவரும் சிறப்பான ஆட்டத்தை வெளிப்படுத்தினர். 23 ரன்கள் எடுத்திருந்த டாம் லாதம் இங்கிலாந்து வீரர் ராபின்சன் பந்து வீச்சில் வெளியேறினார்.
அடுத்துவந்த கேப்டன் வில்லியம்சன் 13 ரன்னிலும், ராஸ் டெய்லர் 14 ரன்னிலும் அடுத்தடுத்து ஆட்டமிழந்து வெளியேறினார். இதனால், நியூசிலாந்து அணி 114 ரன்களுக்குள் 3 விக்கெட்டுகளை இழந்தது.
இதையும் படியுங்கள்: அறிமுக போட்டியிலேயே சதம் விளாசிய டேவன் கான்வே
பின்னர் களமிறங்கிய ஹென்ரி நிக்கோல்ஸ் உடன் ஜோடி சேர்ந்த தொடக்க ஆட்டக்காரர் டேவன் கான்வே சிறப்பான ஆட்டத்தை வெளிப்படுத்தி சதம் அடித்தார். அறிமுக போட்டியிலேயே சதம் விளாசி அணியை சரிவில் இருந்து மீட்டார். இதனால், முதல் நாள் ஆட்டநேர முடிவில் நியூசிலாந்து அணி 3 விக்கெட்டுகள் இழப்பிற்கு 246 ரன்கள் குவித்துள்ளது.
240 பந்துகளை சந்தித்த டேவன் கான்வே 136 ரன்களுடன் களத்தில் உள்ளார். அவருக்கு உறுதுணையாக நிக்கோல்ஸ் 149 பந்துகளில் 46 ரன்களுடன் களத்தில் உள்ளார். இங்கிலாந்து தரப்பில் ராபின்சன் அதிகபட்சமாக 2 விக்கெட்டுகளை வீழ்த்தினார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X