என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
லார்ட்ஸ் டெஸ்ட்: அறிமுக போட்டியிலேயே சதம் விளாசினார் நியூசிலாந்து வீரர் டேவன் கான்வே
Byமாலை மலர்2 Jun 2021 4:50 PM GMT (Updated: 2 Jun 2021 4:50 PM GMT)
லாரட்ஸில் நடைபெற்று வரும் இங்கிலாந்துக்கு எதிரான முதல் டெஸ்டில் டாம் லாதம், கேன் வில்லியம்சன், ராஸ் டெய்லர் ஏமாற்றம் அளித்தனர்.
இங்கிலாந்து- நியூசிலாந்து அணிகளுக்கு இடையிலான இரண்டு போட்டிகள் கொண்ட டெஸ்ட் தொடரின் முதல் டெஸ்ட் இன்று லார்ட்ஸ் மைதானத்தில் தொடங்கியது.
டாஸ் வென்ற நியூசிலாந்து அணி கேப்டன் கேன் வில்லியம்சன் பேட்டிங் தேர்வு செய்தார். நியூசிலாந்து அணியில் தொடக்க வீரர் டேவன் கான்வே அறிமுகம் ஆன நிலையில், இங்கிலாந்து அணியில் ஜேம்ஸ் பிரேஸ், ஒல்லி ராபின்சன் ஆகியோர் அறிமுகம் ஆகினர்.
இங்கிலாந்து அணி ஆண்டர்சன், பிராட், ராபின்சன், மார்க் வுட் ஆகிய நான்கு வேகப்பந்து வீச்சாளர்களுடன் களம் இறங்கியது.
டாம் லாதம் டேவ் கான்வே ஆகியோர் தொடக்க வீரர்களாக களம் இறங்கினர். இந்த ஜோடி 16 ஓவர் வரை தாக்குப்பிடித்தது. டாம் லாதம் 23 ரன்கள் எடுத்த நிலையில் ஒல்லி ராபின்சன் பந்தில் ஆட்டமிழந்தார். அடுத்து வந்த கேன் வில்லியம்சன் 13 ரன்கள் எடுத்த நிலையில் ஜேம்ஸ் ஆண்டர்சன் பந்தில் ஸ்டம்பை பறிகொடுத்தார்.
அடுத்து வந்த அனுபவ வீரர் ராஸ் டெய்லர் 14 ரன்னில் வெளியேறினார். ஒரு பக்கம் விக்கெட் சரிந்தாலும் மறுமுனையில் அறிமுக வீரர் டேவன் கான்வே அபாரமாக விளையாடி 163 பந்தில் 11 பவுண்டரியுடன் தனது முதல் சதத்தை பதிவு செய்தார்.
அவருடன் ஹென்ரி நிக்கோல்ஸ் பொறுப்புடன் விளையாடி வருகிறார். நியூசிலாந்து அணி 74 ஓவர்கள் முடிவில் 3 விக்கெட் இழப்பிற்கு 217 ரன்கள் எடுத்துள்ளது, டேவன் கான்வே 121 ரன்களுடனும், ஹென்ரி நிக்கோல்ஸ் 33 ரன்களுடனும் விளையாடி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X