பாரீஸ்:
கிராண்ட் சிலாம் போட்டிகளில் ஒன்றான பிரெஞ்சு ஓபன் டென்னிஸ் போட்டி பாரீஸ் நகரில் நடைபெற்று வருகிறது.
உலகின் முதல் நிலை வீரரும், 18 கிராண்ட் சிலாம் பட்டம் வென்றவருமான ஜோகோவிச் (செர்பியா) தொடக்க சுற்றில் அமெரிக் காவை சேர்ந்த டெனிஸ் சாண்ட்கிரணை எதிர்கொண்டார். 2016-ம் ஆண்டு சாம்பியனான ஜோகோவிச் 6-2, 6-4, 6-2 என்ற நேர் செட் கணக்கில் வென்று 2-வது சுற்றுக்கு தகுதி பெற்றார்.
மற்ற ஆட்டங்களில் 13 முறை சாம்பியனான ரபெல் நடால் (ஸ்பெயின்), 9-வது நிலை வீரரான பெரிடினி (இத்தாலி), 10-வது இடத்தில் உள்ள டியாகோ சுவார்ட்சன்மேன் (அர்ஜெண்டினா) ஆகியோர் முதல் சுற்றில் வெற்றி பெற்றனர்.
14-வது வரிசையில் உள்ள பிரான்ஸ் வீரர் மான்பில்ஸ் தொடக்க சுற்றில் தோற்று வெளியேறினார்.
பெண்கள் ஒற்றையர் பிரிவில் நடந்த முதல் சுற்று ஆட்டத்தில் 9-வது வரிசையில் உள்ள கரோலினா பிளிஸ்கோவா (செக் குடியரசு) 7-5, 6-4 என்ற கணக்கில் குரோஷியாவை சேர்ந்த ஜோனா வெகிக்கை வீழ்த்தினார்.
மற்ற ஆட்டங்களில் முதல் வரிசையில் உள்ள ஆஸ்லே பார்டி (ஆஸ்திரேலியா), 18-ம் நிலை வீராங்கனையான கரோலினா முஜ்கோவா (செக்குடியரசு), ஸ்டெப் கென்ஸ் (அமெரிக்கா) ஆகியோர் வெற்றி பெற்று 2-வது சுற்றுக்கு முன்னேறினார்கள்.
வில்லியம்ஸ் சகோதரிகளில் ஒருவரும், 7 கிராண்ட் சிலாம் பட்டம் வென்றவருமான வீனஸ் வில்லியம்ஸ் (அமெரிக்கா) முதல் சுற்றிலே தோல்வி அடைந்தார்.
ரஷியாவை சேர்ந்த அலெக்சாண்டராவோ 6-3, 6-1 என்ற நேர் செட் கணக்கில் வீனஸ் வில்லியம்சை தோற்கடித்தார்.
