அர்ஜென்டினா கால்பந்து ஜாம்பவான் மரடோனாவுக்கு ஆபரேஷன்

பியூனஸ் அயர்ஸ்:

அர்ஜென்டினா கால்பந்து அணியின் முன்னாள் கேப்டனும், ஜாம்பவானுமான 60 வயது மரடோனா உடல் நலக்குறைவு காரணமாக பியூனஸ் அயர்சில் உள்ள தனியார் ஆஸ்பத்திரியில் அனுமதிக்கப்பட்டார். அங்கு அவருக்கு நடத்தப்பட்ட ‘ஸ்கேன்’ பரிசோதனையில் மூளைப் பகுதியில் ரத்தம் உறைந்து இருப்பது தெரியவந்தது.

இதனை அடுத்து அவருக்கு நேற்று முன்தினம் ஆபரேஷன் செய்யப்பட்டு ரத்த உறைவு அகற்றப்பட்டது. அறுவை சிகிச்சை வெற்றிகரமாக நடந்து முடிந்ததாகவும், அவரது உடல் நிலை சீராக இருப்பதாகவும் அவருக்கு சிகிச்சை அளித்து வரும் டாக்டர்கள் தெரிவித்துள்ளனர்.