இத்தாலியின் முதன்மை கால்பந்து லீக்கான செரி-ஏ லீக்கில் இந்திய நேரப்படி இன்று அதிகாலை நடைபெற்ற ஆட்டத்தில் யுவென்டஸ் - ஏசி மிலன் அணிகள் பலப்பரீட்சை நடத்தின.
முதல் பாதி நேரத்தில் இரண்டு அணிகளும் கோல் அடிக்கவில்லை. 2-வது பாதி நேரத்திற்கான ஆட்டம் தொடங்கியதும் 47-வது நிமிடத்தில் யுவென்டஸ் அணியின் ஆட்ரியன் ரேபியோட் முதல் கோலை பதிவு செய்தார். அடுத்த 6-வது நிமிடத்தில் (ஆட்டத்தின் 53-வது நிமிடம்) நட்சத்திர வீரர் கிறிஸ்டியானோ ரொனால்டோ கோல் அடித்தார். இதனால் யுவென்ஸ் 2-0 என முன்னிலை பெற்றிருந்தது.
அதன்பின் ஏ.சி. மிலன் அணி வீரர்கள் மின்னல் வேக ஆட்டத்தை வெளிப்படுத்தினர். 62-வது நமிடத்தில் பெனால்டி வாய்ப்பு கிடைத்தது. இப்ராஹிமோவிச் அதை கோலாக்கினார். அதன்பின் 66-வது நிமிடத்தில் பிரான்ங் கெஸ்சி கோல் அடித்தார். அடுத்த நிமிடத்தில் ரபேல் லியோ கோல் அடித்தார். ஐந்து நிமிடத்திற்குள் மூன்று கோல்கள் அடித்ததால் 3-2 என ஏ.சி. மிலன் முன்னிலைப் பெற்றது.
அதன்பின் 80-வது நிமிடத்தில் ஆன்டே ரெபிக் மேலும் ஒரு கோல் அடிக்க ஏ.சி. மிலன் 4-2 என வெற்றி பெற்றது.
