கிரிக்கெட் வீரர்களின் பைபிள் என்று வர்ணிக்கப்படும் ‘விஸ்டன்’ இதழ் ஆண்டுதோறும் சிறந்த வீரர்களை தேர்வு செய்து கவுரவிக்கும். அந்த வகையில் 2019-2020 சீசனில் சிறப்பாக விளையாடிய வீரர்களில் இங்கிலாந்தை சேர்ந்த பென் ஸ்டோக்ஸ் தேர்வு செய்யப்பட்டுள்ளார்.
இவருடன் ஜாப்ரா ஆர்சர், பேட் கம்மின்ஸ், மார்னஸ் லாபஸ்சேன், வீராங்கனைகள் எலிஸ் பெர்ரி, சிமோன் ஹார்மர் ஆகியோரையும் குறிப்பிட்டிருந்தது. இந்த பட்டியலில் ரோகித் சர்மா பெயர் இல்லாதது அதிர்ச்சி அளிக்கிறது என்று லக்ஷ்மண் தெரிவித்துள்ளார்.
இதுகுறித்து லக்ஷ்மண் கூறுகையில் ‘‘விஸ்டனின் ஐந்து போட்டிகள் கொண்ட பட்டியலில் ரோகிரத் சர்மா பெயர் இல்லாதது கிரிக்கெட் போட்டியை பார்க்கும் ஒவ்வொருவருக்கும் இது ஆச்சர்யமாகவும், அதிர்ச்சியாகவும் இருக்கும் என நினைக்கிறேன்.
ஆஷஸ் தொடர் முக்கியமானதுதான். அதைவிட உலக கோப்பை மிகப்பெரியது. ஒருவர் ஐந்து சதம் அடித்துள்ளார். இதில் மற்ற பேட்ஸ்மேன்கள் ரன்கள் அடிக்காதபோது கடினமான ஆடுகளத்தில் தென்ஆப்பிரிக்காவுக்கு எதிராக அடித்தது ஞாபகத்தில் வைக்க வேண்டியது. மேலும் பாகிஸ்தானுக்கு எதிராக சதம் அடித்தது முக்கியமானது. இதனால் அவரது பெயர் இல்லாதது அதிர்ச்சி அளிக்கிறது’’ என்றார்.
