டி20-யில் 200 ரன்களுக்கு மேல் எடுத்த அணியில் எட்ட முடியாத இடத்தில் இந்தியா

நியூசிலாந்து - இந்தியா இடையிலான முதல் டி20 கிரிக்கெட் போட்டி ஆக்லாந்தில் இன்று நடைபெற்றது. முதலில் பேட்டிங் செய்த நியூசிலாந்து 203 ரன்கள் குவித்தது. பின்னர் 204 ரன்கள் அடித்தால் வெற்றி என்ற இலக்குடன் இந்தியா களம் இறங்கியது.

கேஎல் ராகுல், ஷ்ரேயாஸ் அய்யர், விராட் கோலி ஆகியோரின் சிறப்பான ஆட்டத்தால் 19 ஓவரிலேயே இலக்கை எட்டி இந்தியா அபார வெற்றி பெற்றது.

இந்த போட்டியில் 200 ரன்களை தாண்டியதன் இந்தியா டி20 கிரிக்கெட் போட்டியில் 2-வது இன்னிங்சில் 8-வது முறையாகும். இந்தியாவுக்கு எதிராக இங்கிலாந்து நான்கு முறை 200 ரன்னைத் தாண்டியுள்ளது.

ஆஸ்திரேலியா மூன்று முறை 2-வது இன்னிங்சில் 200 ரன்களை தாண்டியுள்ளது. தென்ஆப்பிரிக்கா, வெஸ்ட் இண்டீஸ் தலா இரண்டு முறை தாண்டியுள்ளது. வங்காளதேசம், அயர்லாந்து, நியூசிலாந்து மற்றும் கத்தார் தலா ஒருமுறை தாண்டியுள்ளது.