தாய்லாந்து பேட்மிண்டன்: முதல் சுற்றில் சாய்னா தோல்வி

பாங்காக்:

தாய்லாந்து மாஸ்டர்ஸ் சர்வதேச பேட்மிண்டன் போட்டி பாங்காக்கில் நேற்று தொடங்கியது. இதில் பெண்கள் ஒற்றையர் பிரிவின் முதல் சுற்று ஆட்டத்தில் இந்திய வீராங்கனை சாய்னா நேவால், டென்மார்க் வீராங்கனை லின் ஹோஜ்மார்க்கை சந்தித்தார். 47 நிமிடம் நடந்த இந்த ஆட்டத்தில் சாய்னா 13-21, 21-17, 15-21 என்ற செட் கணக்கில் தோல்வி அடைந்து வெளியேறினார். 5-வது முறையாக லின் ஹோஜ்மார்க்குடன் மோதிய சாய்னா சந்தித்த முதல் தோல்வி இதுவாகும்.

ஆண்கள் ஒற்றையர் பிரிவில் முதல் சுற்று ஆட்டம் ஒன்றில் இந்திய முன்னணி வீரர் ஸ்ரீகாந்த் 21-12, 14-21, 11-21 என்ற செட் கணக்கில் இந்தோனேஷியாவின் ஷிசர் ஹிரெனிடம் தோல்வி அடைந்தார். இதே போல் சமீர் வர்மா, பிரனாய் ஆகிய இந்தியர்களும் முதல் சுற்றுடன் நடையை கட்டினர். இதன் மூலம் இந்த போட்டியில் இந்தியாவின் சவால் முடிவுக்கு வந்தது.