பிக் பாஷ் டி20 லீக்கில் பிரிஸ்பேனில் நேற்று நடைபெற்ற ஆட்டத்தில் மெல்போர்ன் ரெனேகட்ஸ் - பிரிஸ்பேன் ஹீட் அணிகள் மோதின. முதலில் விளையாடிய மெல்போர்ன் ரெனேகட்ஸ் 6 விக்கெட் இழப்பிற்கு 164 ரன்கள் எடுத்தது.
பின்னர் பிரிஸ்பேன் ஹீட் 165 ரன்கள் அடித்தால் வெற்றி என்ற இலக்குடன் களம் இறங்கியது. தொடக்க வீரர்களாக களம் இறங்கிய ஹீஸ்லெட், கிறிஸ் லின் அதிரடி ஆட்டத்தை வெளிப்படுத்தினர். கிறிஸ் லின் 15 பந்தில் 41 ரன்கள் சேர்த்து ஆட்டமிழந்தார். அப்போது பிரிஸ்பேன் ஹீட் 6 ஓவரில் 84 ரன்கள் எடுத்திருந்தது.
அதன்பின் வந்த வீரர்கள் சொற்ப ரன்களில் ஆட்டமிழந்தனர். மற்றொரு தொடக்க வீரர் ஹீஸ்லெட் 37 பந்தில் 56 ரன்கள் எடுத்து ஆட்டமிழந்தார். பிரிஸ்பேன் ஹீட் 15 ஓவரில் 120 ரன்னில் சுருண்டு படுதோல்வியடைந்தது.
முதல் 5.5 ஓவரில் விக்கெட் இழப்பின்றி 84 எடுத்திருந்தது. அதன்பின் அடுத்த 9.1 ஓவர்களில் 36 ரன்கள் எடுப்பதற்குள் 10 விக்கெட்டுக்களையும் இழந்தது.
பிக் பாஷ் டி20 லீக்கில் எந்தவொரு நிலையிலும் இதுபோன்று 36 ரன்னுக்குள் 10 விக்கெட்டுக்களையும் எந்த அணியும் வீழ்ந்தது கிடையாது.
