கொல்கத்தா நைட் ரைடர்ஸ் அணியால் ஏலம் எடுக்கப்பட்ட வீரர் பந்து வீச தடை

ஆஸ்திரேலிய நாட்டைச் சேர்ந்த கிரிக்கெட் வீரர் கிறிஸ் க்ரீன். இவர் பிக் பாஷ் டி20 லீக்கில் விளையாடி வருகிறது.

சுழற்பந்து வீச்சாளரான இவர் மெல்போர்ன் ஸ்டார்ஸ் அணிக்கெதிராக விளையாடும்போது, ஆஸ்திரேலிய கிரிக்கெட் போர்டின் விதிமுறைக்கு மாறாக பந்து வீசியதாக குற்றம்சாட்டப்பட்டது. இதனால் அவரது பந்து வீச்சு பரிசோதனைக்கு உட்படுத்தப்பட்டது.

அப்போது பந்து வீச்சு ஆக்சன் வரையறுக்கப்பட்ட விதிக்கு எதிராக இருந்தது. இதனால் மூன்று மாதங்கள் பந்து வீச ஆஸ்திரேலியா கிரிக்கெட் போர்டு தடைவிதித்துள்ளது.

ஐபிஎல் ஏலத்தில் கிறிஸ் கிரீனை கொல்கத்தா நைட் ரைடர்ஸ் அணி ஏலம் எடுத்திருந்தது குறிப்பிடத்தக்கது.