search icon
என் மலர்tooltip icon

    செய்திகள்

    பென் ஸ்டோக்ஸ்
    X
    பென் ஸ்டோக்ஸ்

    தந்தை உடல்நலத்தில் முன்னேற்றம்: ‘பாக்சிங் டே’ டெஸ்டில் விளையாடுகிறார் பென் ஸ்டோக்ஸ்

    தென்ஆப்பிரிக்காவுக்கு எதிரான பாக்சிங் டே டெஸ்டில் பென் ஸ்டோக்ஸ் விளையாடுவார் எனத் தெரிவிக்கப்பட்டுள்ளது.
    இங்கிலாந்து கிரிக்கெட் அணி  தென்ஆப்பிரிக்காவுக்கு சுற்றுப் பயணம் செய்துள்ளது. நான்கு போட்டிகள் கொண்ட டெஸ்ட் தொடரின் முதல் டெஸ்ட் நாளை செஞ்சூரியனில் தொடங்குகிறது.

    கிறிஸ்துமஸ் பண்டிகைக்கு அடுத்த நாள் தொடங்கும் பாக்சிங் டே டெஸ்டில் விளையாட இரண்டு அணி வீரர்களும் தயாராகி வந்தனர்.

    இந்நிலையில் பென் ஸ்டோக்சின் தந்தை கெட் உடல்நலம் குன்றிய நிலையில் ஜோகன்னஸ்பர்க்கில் உள்ள மருத்துவமனையில் நேற்று முன்தினம் சேர்க்கப்பட்டார். அங்கு அவருக்கு தீவிர சிகிச்சை பிரிவில் சிகிச்சை அளிக்கப்பட்டு வருகிறது.

    இதனால் ஜோகன்னஸ்பர்க் சென்ற பென் ஸ்டோக்ஸ் நேற்று மருத்துவமனையிலேயே தங்கினார். இதனால் ‘பாக்சிங் டே’ டெஸ்டில் கலந்து கொள்வது சந்தேகம் எனக் கூறப்பட்டது.

    இந்நிலையில் அவரது தந்தையில் உடல்நலத்தில் முன்னேற்றம் ஏற்பட்டுள்ளது. இதனால் இன்று செஞ்சூரியன் வந்து பயிற்சியில் ஈடுபட்டார் பென் ஸ்டோக்ஸ். இதனால் நாளைய போட்டியில் பங்கேற்பார் என தெரிவிக்கப்பட்டுள்ளது. ஆனால், காய்ச்சல் காரணமாக ஜேக் லீச், ஒல்லி போப், கிறிஸ் வோக்ஸ் ஆகியோர் பயிற்சியில் ஈடுபடவில்லை.
    Next Story
    ×