என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
பாகிஸ்தானுக்கு எதிரான டெஸ்ட்: முச்சதம் விளாசினார் டேவிட் வார்னர்
Byமாலை மலர்30 Nov 2019 7:07 AM GMT (Updated: 30 Nov 2019 7:07 AM GMT)
பாகிஸ்தான் அணிக்கெதிரான இரண்டாவது டெஸ்ட் போட்டியில் தொடக்க ஆட்டக்காரரான டேவிட் வார்னர் முச்சதம் விளாசி அசத்தினார்.
அடிலெய்டு:
ஆஸ்திரேலியா- பாகிஸ்தான் அணிகள் மோதும் 2-வது டெஸ்ட் போட்டி பகல்-இரவாக அடிலெய்டுவில் நேற்று தொடங்கியது. முதலில் பேட்டிங்கை தேர்வு செய்து விளையாடிய ஆஸ்திரேலியா நேற்றைய முதல் நாள் ஆட்டத்தின் முடிவில் 1 விக்கெட் இழப்புக்கு 302 ரன் குவித்து வலுவான நிலையில் இருந்தது. டேவிட் வார்னர் 166 ரன்களுடனும், லாபுசாக்னே 126 ரன்களுடனும் களத்தில் இருந்தனர்.
இன்று 2-வது நாள் ஆட்டம் தொடர்ந்தது. 80-வது ஓவரில் ஆஸ்திரேலியா 350-வது ரன்னை தொட்டது. இந்த ஜோடியை பாகிஸ்தான் பந்துவீச்சாளர் ஷகீன்சா அப்ரிடி பிரித்தார். அணியின் ஸ்கோர் 369 ஆக இருந்தபோது மார்கஸ் லாபுசாக்னே 162 ரன்கள் குவித்து ஆட்டம் இழந்தார். இந்த ஜோடி 2-வது விக்கெட்டுக்கு 361 ரன் குவித்தது.
அடுத்து ஸ்டீவ் சுமித் களம் வந்தார். 36 ரன்களில் ஆட்டமிழந்த ஸ்டீவ் சுமித் டெஸ்ட் போட்டிகளில் அதிவேகமாக 7,000 ரன்களை கடந்த முதல் வீரர் என்ற சாதனையை படைத்தார்.
மறுமுனையில் தொடர்ந்து அபாரமான ஆட்டத்தை வெளிப்படுத்திய டேவிட் வார்னர் தனது முதல் முச்சதத்தை ருசித்தார். அவர் 389 பந்துகளை சந்தித்து 37 பவுண்டரியுடன் 300 ரன்களை தொட்டார். ஆஸ்திரேலிய கிரிக்கெட் வரலாற்றில் டெஸ்ட் போட்டிகளில் முச்சதம் விளாசிய 7வது வீரர் வார்னர் ஆவார். பாகிஸ்தான் அணிக்கெதிராக முச்சதம் விளாசிய 4வது வீரர், மேலும் அந்த அணிக்கெதிராக முச்சதம் விளாசிய இரண்டாவது ஆஸ்திரேலிய வீரர் என்ற பெருமையும் வார்னரைச் சாரும்.
இதற்கு முன்பு 2015-ம் ஆண்டு பெர்த் மைதானத்தில் நியூசிலாந்துக்கு எதிராக நடந்த டெஸ்ட் போட்டியில் 253 ரன் குவித்து இருந்ததே வார்னரின் அதிகபட்ச தனிநபர் ஸ்கோர் ஆகும். இந்த ஆட்டத்தில் 300 ரன்கள் கடந்த வார்னர், ஒரு சிக்சர் கூட அடிக்கவில்லை என்பது குறிப்பிடத்தக்கது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X