search icon
என் மலர்tooltip icon

    செய்திகள்

    ஜேம்ஸ் ஆண்டர்சன்
    X
    ஜேம்ஸ் ஆண்டர்சன்

    ஜேம்ஸ் ஆண்டர்சன் தென்ஆப்பிரிக்கா தொடருக்குள் தயாராகி விடுவார்: இங்கிலாந்து அணி நம்பிக்கை

    தென்ஆப்பிரிக்கா தொடருக்குள் வேகப்பந்து வீச்சாளர் ஜேம்ஸ் ஆண்டர்சன் தயாராகி விடுவார் என்று இங்கிலாந்து நம்பிக்கை தெரிவித்துள்ளது.
    இங்கிலாந்து அணியின் நட்சத்திர வேகப்பந்து வீச்சாளர் ஜேம்ஸ் ஆண்டர்சன். அதிக விக்கெட்டுக்கள் வீழ்த்திய இங்கிலாந்து பந்து வீச்சாளர் என்ற பெருமையை பெற்றுள்ளார்.

    ஆஸ்திரேலியாவுக்கு எதிரான ஆஷஸ் தொடரின்போது முதல் டெஸ்டில் விளையாடிய அவருக்கு கால் பகுதியில் காயம் ஏற்பட்டது. இதனால் ஆஷஸ் தொடர் முழுவதும் விளையாட முடியாத சூழ்நிலை ஏற்பட்டது. காயம் காரணமாக தற்போது நடைபெற்று வரும் நியூசிலாந்துக்கு எதிரான தொடரில் பங்கேற்கவில்லை.

    நியூசிலாந்து தொடர் முடிந்த பின்னர் இங்கிலாந்து தென்ஆப்பிரிக்கா சென்று விளையாட இருக்கிறது. தென்ஆப்பிரிக்கா தொடருக்குள் ஆண்டர்சன் காயத்தில் இருந்து குணமாகி விடுவார் என்று இங்கிலாந்து கிரிக்கெட் போர்டு நம்புகிறது.

    தென்ஆப்பிரிக்கா தொடருக்கான இங்கிலாந்து அணியில் இடம் பிடித்தால், செஞ்சூரியனில் நடைபெறும் ‘பாக்சிங் டே’ டெஸ்டில் ஆண்டர்சன் விளையாடுவார். அடுத்த மாதம் 1-ந்தேதியில் 14-ந்தேதி வரை பயிற்சி முகாம் நடைபெற இருக்கிறது. இதில் ஆண்டர்சன் கலந்து கொள்ள இருக்கிறார்.
    Next Story
    ×